Gula 70
Wala makatingog si Rosalinda. Gihinuktokan niya’g maayo ang gisulti ni Bongkoy.
Taudtaod nga namalandong si Rosalinda. Ug nasuta niya nga may basehanan ang katahap ug kabalaka ni Bongkoy. Karon nga nakautang na siya og dakong kantidad kang Atty. Pomposo Gumera, mahimo na siyang pugson niini sa pagpakasal ngadto niini bugti sa iyang utang. Ug kun mahitabo kini, mag-unsa na man lang ang gugma nila ni Bongkoy?
“Dili tingali kana buhaton ni Atty. Gumera,” nagkanayon si Rosalinda aron pagpuypoy sa kabalaka ni Bongkoy.
“Maayo lagi’g dili,” ni Bongkoy pa. “Apan kun pananglit iya gyud kining buhaton, makahimo ka kaha sa pagbalibad kaniya?”
“Nganong dili man? Dili kana ang among gikasabotan sa akong pagpangutang kaniya.”
“Dili lagi. Pero unsaon na man lang kun pugson ka na niya sa pagbayad sa imong nautang? Asa ka man og ibayad? Ug kun wa kay ikabayad, unsaon na man lang kun pugson ka niya sa pagpakasal kaniya aron maimpas na ang imong utang?” -- Sumpayan pa