Daw sa makapabuang

Gula 2

Human gihunghongan sa tag-iya sa bar ang duha ka batan-ong dancers nga sila si Nancy ug Claire nga ipalingaw g’yod ang ilang customer, namatikdan ni Roel nga mikalit lang kini og kaparaygon kaniya.

Si Nancy nga 18-anyos pa ug pwerteng lapyoa maoy unang mibai-id ni Roel kinsa abtik usab kaayo nga migakos sa babaye. Si Claire didto usab sa tuo nga bahin abtik usab nga misalay sa wala niya nga paa sa tuong paa sa ulitawo.

Nindota g’yod sa kahimtang ni Roel. Tiaw mo ang ubang customers sa bar usahay magpasiklap kaniya kay wala g’yod ang-anga duha g’yod ka maanyag ug batan-ong babaye ang iyang gitibol.

Misamot pa g’yod nga mipilit kang Roel ang duha ka gwapang dancers dihang nakakita kini sa iyang pitaka nga nag-akal ang kwarta kay may gipapalit man ang ulitawo sa waiter.

“Ako ray mahibalo kaninyong duha mga gwaps. Dagko ko og tip nga ihatag sa mga babaye kun ma-satisfy lang ko sa performance,” giingnan ni Roel sila si Nancy ug Claire.

“Mahimo ba nga itsik-awot ko kamong duha? Ako ra’y mananghid ni Wendel,” gisukna ni Roel ang duha ka gwapa kinsa abtik kaayo nga mitangdo basta tugotan lang sila sa tag-iya sa bar.

Gitiksan ni Roel si Wendel ug nananghid kini nga itsik-awot niya ang duha ka gwapa nga iyang gikatibol. “Ok pre, no problem. Ngilngiga nimo pre ha, duha g’yod? He he he,” abtik nga tubag ni Wendel dala ang pangomedya.

Gisinyasan ni Roel ang waiter nga mobayad na siya apan giingnan siya nga nagtugon si Wendel nga dili na siya pabayron. Nakurat ang mga gwapang dancer kay dili man sila mahatagan sa ilang “share” sa ladies drink.

Apan abtik si Roel nga miagbay sa mga gwapa ug gipangtunolan niya’g tag usa ka libo ka pesos. “Tana pun-an pa nako na human sa atong pagpanuroy,” matud ni Roel nga migiya sa duha ka dancers paingon sa gawas sa bar.

Human sila makasakay sa kotse ni Roel nga giparada ra atubangan sa bar, mipasirit dayon siya pagpadagan. Si Nancy nga nag-short lang maoy diha milingkod sa front seat

Matag human og pangambyada ni Roel, idiritso niya pagbutang ang tuo niyang kamot sa paa ni Nancy. Si Claire nga diha maglingkod luyo ni Roel nagsigi usab og hapuhap sa dughan sa ulitawo.

“Asa man ta mangadto?” pangutana ni Nancy. Nakurat na lang ang duha ka babaye kay ang kotse misulod na sa Q2 Inn sa north reclamation area. (Sumpayan pa)