Gula 61
“Unsaon nga tua man kuno kini sa Amerika? Layo kaayo ang iyang anak mao nga di kini makaatiman niya.”
“Unya nganong ikaw man gyud ang iyang nakursonadahan nga pangasaw-on? Nganong mamili man gyud siya og batan-on? Kadaghang biyuda diha kun maoy iyang tuyoon.”
“Dili baya daotan ang tuyo ni Atty. Gumera nako, Bongkoy.”
“Unsay buot mong ipasabot?”
“Ang iyang gitanyag nako usa lang ka nindot nga kahigayonan. Mahimong mangasawa siya ni bisan kinsa. Pero ako gyud ang iyang gipili tungod kay gusto siyang makatabang sa akong mga igsuon. Nakasabot baya ko sa iyang bahin...sa iyang tumong.”
“Ug mopatol ka na lang sab niya?”
“Dili, uy. Naunsa ka gud. Magselos ka man dayon. Dili kana mahitabo, uy.”
“Lagi, ha. Nasayod ka baya gyud nga patay kaayo ko diha nimo.”
“Ayaw lagi kabalaka. Dili ko ikaw ibaylo ni bisan kinsa.”
“Laoman ko kana, Ros. Ayaw baya gyud taposa ang atong gugma tungod kay mao kini ang akong kinabuhi.”
Hapon. Samtang namisbis si Rosalinda sa mga tanom sa hardin, miduol kaniya si Tasing. -- Sumpayan pa