Lovers in Pari-an

Gula 50

“Dili, Ros, ipasalig ko kana kanimo.

Ug hingpit nang nagkatakdo ang ilang mga pagbati.

Malipayon si Rosalinda sa relasyon nila ni Bongkoy. Sukad silang nagkahigugmaay, daw kinamayan na ang ilang mga adlaw.

Kanunay silang magkuyog sa pagpanuroy labina sa adlaw’ng Domingo.

Ang Heritage Monument sa Pari-an nahimong tipik sa ilang pagminahalay. Gihimo man gud nila kini nga Lover’s lane. Sa matag higayon nga manuroy sila mohapit gayod sila sa maong dapit ug mag-picture-picture.

Si Tasing ang unang nasayod nga may relasyon na sila si Rosalinda ug Bongkoy.

“Daan pa lagi gyud ko,” ni Tasing pa. “Nga mosangko gyud sa ingon niini ang inyong kasuod.”

“Wa sab ko magmahay nga gidawat nako ang gugma ni Bongkoy, Nang,” matud ni Rosalinda, “kay buotan man kaayo siya.”

“Unya, mag-unsa na man lang tong imong hinigugma didto sa inyong lungsod?”

“Ayaw na’g hisgot bahin niadtong maong lalaki, Nang Tasing. Wa siya’y baroganan. Wa siya makapaabot nako. Nagminyo siya sa laing babaye.” -- Sumpayan pa