Lovers in Pari-an

Gula 23

“Kaayo. Gusto na man gani unta siyang makigminyo nako. Pero akong gibalibaran, uy. Dili pa ko andam magminyo. Gusto pa kong motabang sa akong mga ginikanan.”

“Suwerteha gyud sa imong hinigugma, no?”

“Nganong nakasulti ka man niana?”

“Kay buotan ka man. Responsable ug manggihunahunaon pa gyud.”

“Bulatik.”

“Tinuod bitaw.”

“Ikaw, may hinigugma ka na ba sab?”

“Diha na unta to sa una. Pero demalas.”

“Ngano man?”

“Naminyo sa lain. Duha man diay ming lalaki sa iyang kinabuhi. Ug ang ikaduha niyang uyab maoy iyang gipakaslan.”

“Luoya diay nimo, no?”

“Mao lagi.”

“Gihiguma mo ba siya?”

“Kun gugmay hisgotan, Ros, mora’g dili ma-define ni Webster ang gugma ko kaniya.”

Nahikatawa si Rosalinda. Misugmat na sab ang kakomedyante ni Bongkoy.

“Kun gihigugma mo siya,” ni Rosalinda pa. Gikasakit mo gyud ang iyang kaminyoon ngadto sa laing lalaki?” -- Sumpayan pa