Idlas ang katumanan sa gugma
Nakigkita dayon si Lonia kang Rev. Florentino nianang adlawa. Buot siyang mo-apply pagka-magsusulat og mga novels sa UCV Romances.
Batan-on pa si Rev. sa banabana ni Lonia, kaedad ra kini sa iyang Ate Greta. Ambongan si Rev. apan namatikdan ni Lonia nga may pagka-estrikto kini.
Human makapaila sa iyang kaugalingon, gipadayag dayon ni Lonia ang iyang tuyo ngadto ni Rev.
“Nakasuway ka na ba'g suwat og fiction?” Nangutana ang editor.
“S-sa una,” tubag ni Lonia. “Pero dugay na kadto. College pa ako niadto. Napatik ang akong sugilanon sa na-defunct nga kaliwat.”
“Maayo hinuon kun mao kana. At least, may idea ka na kun unsaon pagsulat ang fiction.”
Wala motingog si Lonia.
“Ang among patakaran dinhi mao nga P5,000.00 per novel ang among pamayad,” nagkanayon si Rev. Florentino. “Human sa approval sa gisuwat nimong nobela, papirmahon ka’g kontrata. Human ka makapirma, mga one week maisyuhan ka na og tseke. Plus, may royalty ka pa sa halin unya sa imong pocketbook.”
“Okey ko sa maong kondisyon,” mao ray natubag ni Lonia.
“Good,” ni Rev. pa. “Ang una mong buhaton mao ang pag-submit sa imong storyline kanako. Sanglit bag-o ka pa man, lakipi lang sab kini og mubo nimong resume. Okey!” -- Sumpayan pa
- Latest
- Trending
