Idlas ang katumanan sa gugma

Gula 2

Labi na gyud sila si Alex ug Chona. Miawas ang kalipay nga misuyla sa ilang panagway. Naibog si Lonia nga nagtan-aw kanila. Kanindot kaha kun siya pa ang anaa sa dapit ni Chona ug sila si Alex ang pagakaslon.

Apan nasayod siyang dili na mahitabo ang anaa sa iyang hunahuna. Nasayod siyang usa na lang kini ka salimuang. Sila si Alex ug Chona ang pagakaslon. Sila ang magkadayon. Ug hingpit nang nawala ang paglaom ni Lonia nga maangkon ang gugma ni Alex.

Crush ni Lonia si Alex sukad sa nagtungha pa sila sa hayiskol. Sa nagtungha na sila sa kolehiyo, misamot paglipang ang iyang gibati ngadto kang Alex. Managsama sila’g kursong gikuha mao nga magkauban sila kanunay. Si Chona suod nilang higala mao nga matawag nga silang tulo maoy best of friends sa ilang school campus.

Bisan nakagusto pag-ayo si Lonia ngadto kang Alex apan wala gayod siya mopakita’g motibo ngadto sa lalaki. Ang iyang crush ngadto kang Alex natibuok na gayod ngadto sa usa ka gugma. Apan gipaningkamotan gayod niya ang pagtago sa maong pagbati aron dili kini mamatikdan ni Alex. Dili siya buot nga mo-take advantage si Alex sa higayon nga makamatikod kini nga may gusto siya ngadto niini. -- Sumpayan pa