Ang Impiyerno ni Belen - 2

Gula 122

Ang panginahanglan sa lawasnong kalipay ingon sa nagpadayon sa pag-ulipon nako. Pero wala’y makatambal sa akong kahidlaw. Kulang na lang og diyotay nga dili nako ipanghagad ang akong pagka-babaye ngadto sa mga lalaki nga akong silingan sa Pasil. Ugaling lang kay wala gyu’y lalaki nga akong nakursonadahan sa dapit nga akong gipuy-an.

Mora’g wala na gyu’y tumong ang akong kinabuhi. Ang kuwarta nga akong natigom sa banko akong giwaldas. Nakakat-on ko pagsulod sa mga balay-kahilayan diin adto ko manguhag callboy nga maoy mohatag nako’g tambal sa kahidlaw nga lawasnon. Mobayad ko’g dakong kantidad basta matagbaw ko sa ilang serbisyo kanako.

Hingpit na gyud kong nagpaulipon sa bisyo sa unod. Daghang mga lalaking binayran ang akong natilawan. Hangtod nga miabot ang karma sa daotan kong binuhatan. Nataptan ko og sexually-transmitted disease. Hingpit na gyud nga nahitumpawak sa impiyerno ang akong kinabuhi.

Misamot pa gyud ang kamiserable sa akong kahimtang sa dihang nahurot na nako’g waldas ang kuwarta nga sulod sa akong bank account. Wala na ko’y nahot. Maong nakahukom kong mopauli sa Bohol. -- Taposon sunod gula