Ang korte mimando kang Roger paghatag og financial support ngadto sa iyang asawa ug anak. Mao kini hinungdan nga wala na makapadala og kuwarta si Roger nako.
Kasado si Roger sa iyang asawa. Kun mokiha ang iyang asawa, dako’g posibilidad nga mabilanggo ming duha si Roger.
Niini, mibati ko’g dakong disappointment. Wala ko magdahom nga may kabilinggan na diay sa kinabuhi si Roger kay mihagad pa man gani siya sa pagpakasal nako. Apan diay...! Sus, maayo ra gyud nga wala ko magpakasal niya. Mosamot unta'g kadako ang akong problema.
Paglabay sa usa ka bulan, nahiabot sa Talisay ang asawa ug mga ginikanan ni Roger. Ila kong gihinginlan gikan sa balay nga gipapuy-an ni Roger nako.
Mao pay akong pagkasayod nga conjugal property diay ang maong balay ni Roger ug sa iyang asawa.
Wala na lang ko magdaghan og langas ug pangutikuti. Wala na lang ko magpakisusi kun nganong sulod sa dugay’ng panahon wala maghikotar ang asawa ni Roger sa balay sa Talisay nga conjugal property man diay kini nila. Misantop sa akong hunahuna nga wala ko'y katungod sa pagpakisayod mahitungod niini. -- Sumpayan pa