Ang bayot sa baylihan

Okey! Special dance led by Tuboran Brotherhood sa tulo lang ka tawo. Sa tukar nga sweet music, 'You and I' by Scorpion. Tagniw'ng tingog ni Juns Tab nga naganawkanaw palibot sa baylihan, nga maoy Mr. announcer niadtong gabhiona. Ang amo nang special dance ang iyang gitawag.

Saktosakto nami sa karga. Medyo puwa na ang among aping (Brod Ti-ak ug Brod Vers Qui) nga nakayarok nag pipila ka basong mistisa. Si Lovely ang gibaylihan ni Ti-ak nga iyang uyab, ug si Jeralyn ang gibitad ni Vers Qui nga igsuon ra usab ni Lovely. Samtang ako, maoy akong giguyod ang usa ka matahom nga babaye nga nagpahipi lang sa may tumoy'ng bahin sa lingkuranan.

Karon pa ako nakamatikod ning bayhana nga namayli sa among tuyo. Taliwtiw ra ba kaayo og pangilong ug naa pay lawas nga arang balikoga.

"Pweding makig-ila-ila miss," pasi-una kong diskarte ngadto kaniya.

"Pwede man," mubo niyang tubag, "ako diay si Mie-bok ug taga diri gyud ko, ikaw kinsay imong ngalan ug taga asa diay ka? Karon paman gud ko nakamatikod nimo nga namayli sa among lugar. Pusotpusot kong pangutana.

"Tawga lang ko'g Tanya, taga Cebu gyud ko ug nibakasyon lang ko diri sa ilang Lovely kay ako man na silang first cousin," hagawhaw niyang pangatarungan.

Ug kay may pagka-kaliwat man lagi tang Jericho Rosales, wala ko usiki ang panahon ug ako dayon siyang gidigahan sa akong gugma. Ug daw sa gidibwenas ako ning gabhiona kay gisugot dayon ako niya. Paghuman sa bayli gikuyugan ko dayon siya sa pag-uli.

Tayming sad kay gihatod sad nilang Brod Ti-ak ug Brod Vers Qui silang Lovely ug Jeralyn. Parespares ming tulo nga nanguli paingon sa ilang pinuy-anan. Apan samtang sa among pagpanlakaw kalit nanginit ang akong kalawasan sa dihang gigakos niya ako og hugot ug dayong ingkib sa akong mga wait. Daw sa nakalitan ako sa iyang gibuhat diri kanako.

Ug kay mao say ampay, gibawsan ko usab siya og ukob sa iyang mga ngabil. Pag-abot sa balay, silang Ti-ak, Vers Qui, Lovely ug Jeralyn didto nipaingon sa terace sa ilang balay.

Saba kaayo silang nangatawa nga daw sa naay nahimut-an. Samtang kaming duha ni Tanya daw gianod kami sa among gibating kainit sa among kalawasan ug didto kami paingon sa salakot (gamay'ng payag) nga haduol ra atubangan sa maong balay.

Wa ko nagdahom sa ka-hot ni Tanya nga ni romansa kanako. Dali niyang gitangtang ang batones sa akong karsones ug dayon gi-ukoban ang nigahi sa akong atubangan.

Nakapiyong ko's akong mga mata nga nibati og kalalim tungod sa iyang gibuhat. Kalit nilugapak ang pultahan sa balay nilang Lovely. Ug sa akong paghiyangad maoy akong nakita ang inahan nilang Lovely nga si Nang Yoning nga haskang isuga’g nawong.

"Unsa man mo Lovely, Jeralyn di pa mo mangatog, alas dos na sa kadlawon!" singgaak ni Nang Yoning" asa man ang inyong ig-agaw?" ni Nang Yoning.

Ug dayon niatubang kini sa among nahimutangan ni Tanya. Apan si Tanya wala nanumbaling nga gipangita na siya sa iyang iyaan. Nipadayon gihapon kini sa iyang gibuhat.

"Hoy! Tonyo...! Dong...! unsa man dong ... namiga nasad kang bayota ka...! gipa-ari ka sa imong amahan diri para mabut-an kang kagwanga ka pero nanguwag nasad diay kang bayota ka!" daw sa nitiurok ang akong ulo sa akong nabati gikan kang Nang Yoning. Bantog rang maayo kaayong moda'g ungad   kay bayot diay'ng dako," matud ko sa akong kaugalingon nga nagpaminte sa kalagot. Gusto unta ko siyang patiran aron maundang na sa iyang gibuhat, apan gianod na ako sa himaya nga nanuhotsuhot na sa akong kalawasan.

"Hala! Tiwasa nalang nang bayota ka!... pa Tanya-tanya, Tonyo ka diay'ng dako...." (Kataposan)