CEBU, Philippines - “Ibulgar ko sa publiko ang atong relasyon kun imo kong buwagan,” bahad ni Bonner.
Maong wala ko'y nahimo. Nagpadayon ko sa pagpakigrelasyon kaniya bisan supak na kini sa akong kabubut-on. Sa sex, dili na ko mo-enjoy pag-ayo uban kang Bonner. Makabawi lang ko kun si Galen nay akong katambayayong sa pagtagay sa lawasnong kalipay.
Inanay kong na-turn-off kang Bonner tungod sa dili na maayong tratamiyento niya kanako. Iya kong gihukhokan. Gihimo ko niyang gatasan.
Ang pagpanghukhok ni Bonner nako nahatagan og kataposan dihang usa siya sa mga polis nga napatay atol sa usa ka engkuwentro nga nahitabo tali sa mga awtoridad ug sa grupo sa gikaintapang mga tulisan.
Mora ko’g naibtan og tunok sa kamatayon ni Bonner. Nasulbad na ang akong problema mahitungod kaniya. Wala na ko’y angay pang kabalak-an.
Usa ka gabii niana, nahitungha si Galen sa balay nga nagmug-ot ang hitsura. Sa akong pagsabot, mora’g duna siya’y dakong problema.
Nangusisa ko. Gipangutana ko si Galen kun unsay iyang problema. Apan wala ko tubaga ni Galen. Iya hinuon kong gidala sa kuwarto. Nakasabot kong gusto niyang lumsan sa kalalim sa lawasnong kalipay ang iyang problema maong wala ko motutol dihang nakig-sex siya nako. -- Sumpayan pa