Ang buotang anak

Tingali magabhian ko kay mag-overtime mi, ni Rey pa nga mitawag ni Teresita sa selpon. "Si Aireen ha, asikasoha og maayo kay basin matakdan n'ya sa barkada."

"Si Papa to'ng nitawag, Ma?" Nangutana si Aireen. "Nakit-an ko ra ba si Papa, Ma, nga may katupad nga babaye."

"Aw, kauban tingali ni Papa mo sa opisina," wala panumbalinga ni Teresita ang gisulti sa iyang anak. "Diin ka man sad nga nakaabot ka man didto?"

"Naglakaw ra ko, Ma, kay trapik kaayo, unya duol ra man kun anha ko agi sa may opis ni Papa."

Kaga agi ni Aireen sa among dapit, makit-an gyud niya kanunay si Papa niya sa tindahan. Unya, kausa niana nga mao pay pagngitngit...

"Mora mag sikit kaayo ang babaye nga miagbay pa ni Papa," matud niya sa kaugalingon," kaigat uroy bayhana ay," naglagot kaayo ang bata nga nagtan-aw.

Wa madugay, nanggawas sila og paraygon kaayo ang babaye nga misipit ni Papa niya. Iya kining gisundan. "Oy, gipamalitan pa og mga kapritso," ni Aireen pa nga nagtan-aw lang sa layo.

Pagpauli ni Aireen sa balay, iya dayong gisumbong sa iyang inahan.

"Mama, nakit-an nako si Papa nga may kuyog nga babayeng seksi ug guwapa kaayo, nag-shopping sila sa mall." Mao usab pagawas ni Papa niya gikan sa lawak.

"Day Aireen, didto diay ka sa mall, nganong wa ka man moduol?"

"Ako’y nagsugo ni Papa mo nga pakuyogon si Tita Belen mo aron mahatagan sa iyang birthday ugma."

"Wa nuon ko ka-klaro ni Tita kay layo ra man kaayo ko nga nagtan-aw nila."

Sukad niadto, wa na lang magtagad si Aireen sa iyang Amahan bisan makit-an pa niya nga may kasikit nga babaye. Apan usa ka adlaw niana.

"Oy! Si Papa man to, nagharog sa may motel," unya wa madugay, "hala, misaka si Papa nga nag-agbay sa babaye."

Pipila ka oras ang pagpinaabot ni Aireen una mogawas si Papa niya kauban ang babaye.

"Aha! Sakpan na gyud ka Pa nga may kalukadidang nga babaye," matud ni Aireen.

Apan sa paglingi sa duha, "Oy, Aireen!"

Nakurat si Aireen sa pagkakita niya sa babaye nga kuyog ni Papa niya.

"Ikaw diay, Ma, wa man ko kaila nimo."

"Nakalimot ka diay, Day Aireen nga anibersaryo ron namo ni Papa mo?"

Ug nagakos ang tulo nga malipayon. (Kataposan)