Gula 95
“Kinahanglang makigkita ka kanako ugma, Belen,” nagkanayon si Galen. “Di ko modawat og balibad. “Mag-abot ta sa outlet sa Orie’s Brutus sa Colon, mga alas kuwatro sa hapon. Mag-una ko nimo didto.”
Ug wala na magpaabot si Galen sa akong tubag. Giputol na niya ang among panagsulti sa cellphone.
Na-pressure ko sa gibuhat ni Galen. Kun ingon niini kanunay ang paagi sa pag-demand niya sa akong panahon, sa madugay ug sa madali masakpan gyud mi ni Roger. Ang gihimo ni Galen maayo lang karon nga wala si Roger sa Sugbu. Maglisod ko paglusot kun mahibalik na si Roger sa Sugbu ug magkauban na kami kanunay.
Kun ang ako lang kabubut-on maoy masunod, dili na gyud unta ko makigkita kang Galen. Kun kalipay nga lawasnon lang maoy tuyo, kontento na ko sa sexual life namo ni Roger. Dili sab unta ko buot makasala ngadto ni Roger kay nasuta ko nga seryoso siya sa iyang pakig-live in nako. Pero lisod balibaran si Galen. Lisod kining pasabton labina kay nagumon kini sa bisyo sa ginadiling drugas.
Pagkaugma, napugos gyud ko sa pagpakigkita ni Galen. Sama sa akong gipaabot nga mahitabo, gidala ko ni Galen sa usa ka pribadong lawak. Didto gitagay namo sa tumang kamainiton ang lawasnong kalipay. -- Sumpayan pa