Gula 50
“Gihimo ko na kana kaniadto pero wa ko nila paminawa. Mas importante alang kanila ang katumanan sa gikasabotan nila ug sa mga ginikanan ni Allison. Estrikto kaayo ang atong mga ginikanan. Lisod supakon ang ilang kabubut-on.”
“Unya, moduko na ba lang diay ta ug magpaawot?”
“Mao kanay akong nalibgan karon. Wa ko masayod kon unsay angay kong buhaton. Nakahunahuna na lang gani ko nga molayas ug dili na magpakita sa atong mga ginikanan.”
“U-unsa? Kon imo kanang buhaton, seguradong masuko gayod sila kanimo.”
“Nasayod ko. Pero kon wa na gyu’y laing paagi, kini na lang gyud ang akong buhaton. Bahala na.”
“Kon mao kanay imong buhaton, Kuya, mokuyog na lang ko nimo.”
“U-unsa?”
“Di ko gustong maminyo ngadto ni Greger pinaagi sa buya. Busa kon molayas ka, mokuyog ako kanimo.”
“Buyno, ikaw ang mag-igo. Anyway, layo pa man sab. Sa Marso pa ang sabot nila ni Daddy ug mga ginikanan ni Allison nga ipakasal kami.Gusto gani unta ang mga ginikanan ni Allison nga himuon na ang kasal sa sunod semana. Pero mibalibad si Daddy tungod kay gusto niyang maka-graduate una ko sa akong kurso. Motapos na man ko sa Marso.” -- Sumpayan pa