Dili hukman ang pamantang sa tawo

Si Romeo maoy tigdumala o supervisor sa usa ka dakong tindahan nga tig-distribute sa nagkadaiyang mga butang. Kun pagaingnon pa, ang maong tindahan usa ka "one-stop shop." Gipiyalan si Romeo pagdumala niini sanglit usa siya ka tawo nga ligdong ug buotan. Dugang niini, siya maki-Diyos. Daghan ang nakamatikod ug nakaamgo sa bulawanong kinaiya ni Romeo.

Usa ka adlaw niana, samtang nagbantay si Romeo sa tindahan, may duha ka mga tigulang nga nahitangka...

"Maayong buntag, Noy, Nang," miabiabi si Romeo nga mipahiyom ngadto sa bag-ong nahiabot.

Miyuhom usab ang mga tigulang.

Nakamatikod si Romeo nga sila nagsul-ob sa bati nga mga sinina.

Midason pagpangutana si Romeo: "Unsay ato kaninyo?"

Gipaliraw una nila ang ilang mata diha sa sulod sa tindahan. Unya... "Duna ba moy baligya nga daro?" ang tigulang lalaki ang mitingog.

"Daro sa unsa man, Noy....?" misusi si Romeo.

"Kana bang gamiton pagdaro sa yuta..."

"Aw, oo, duna man ... pila man ka buok?"

"Pito lang ... pila ang among mabayran niini?"

Dihadiha gikwenta ni Romeo pinaagi sa calculator.

Pinaagi sa buyot (hinimo sa dahon sa buli) nga ilang gidala, gihabwa gilayon sa tigulang lalaki ang binantal nga kuwarta.

Hilabihang pagpaniga sa mga mata ni Romeo! Wala gayud siya makatuo sa talagsaong hitabo nga iyang nasaksihan. (Kataposan)