Gula 70
Nagpahatod dayon ko’g tricycle paingon sa downtown. Sa dapit nga nahimutangan sa hotel nga gitsek-inan ni Roger. Dihang nakasulod na ko sa hotel, akong gi-off ang akong cellphone aron dili na kini makontak kun ugaling makahunahuna si Galen sa pagpanawag nako. Midiretso ko sa room 516 nga nahimutangan ni Roger sa hotel.
Paghitungod nako sa pultahan sa lawak 516, mihunong ko. Nag-buzzer ko. Wala madugay naabli ang pultahan sa lawak nga gibuksan ni Roger. Gipasulod dayon ko niya. Dihang na-lock na niya’g balik ang pultahan, gihagkan dayon niya ang akong ngabil.
Apan sa wala pa makalamay sa akong kalawasan ang kalalim sa mga halok ni Roger, gikalitan ko siya’g tukmod.
Nakalitan si Roger sa akong gibuhat. Mora’g nahibulong siya nganong ako siyang gitukmod sa dihang gihagkan niya ang akong ngabil.
“M-may problema ba?” Nakapangutana siya.
“Wa man,” uban sa pahiyom ang akong pagtubag.
“Nga-nganong gitukmod man ko nimo. Naghinamhinam na baya ko.”
“Maligo una ko...aron presko.”
“Dalia lang, ha.” -- Sumpayan pa