Gula 66
“Mo-check out na ta,” giingnan ko si Roger dihang milunga siya sa paghalok sa akong ngabil.“Unya na,” maoy iyang tubag. “Sayo pa. Twelve noon man ang check out time dinhi, di ba? May higayon pa ta nga maka-score pag-usab.”
“Bigaon ka gyud, da.”
“Pahimuslan ta ang higayon, Belen. I’m sure, dugay pa tang magkita pag-usab.”
Wala ko motingog. Nakaseguro kong husto ang pangagpas ni Roger nga dugay pa ming magkakita pag-usab. Biklang man gud ang among love affair. Siya tua sa Cebu samtang ako sa Bohol nagbase.
Wala ko motutol sa gustong mahitabo ni Roger. Subli namong gisaw-an pagtagay ang matam-is nga dugos sa lawasnong kalipay. Among gitambayayongan pagkatkat ang hagdanan paingon sa tumoy sa katagbawan.
Menos kinse para alas dose mi-check out na mi si Roger sa hotel. Nagkasabot ming mag-iyahay na’g dalan pag-abot namo sa gawas. Siya nagpahatod ang tricycle paingon sa pantalan aron mobalik na sa Sugbo. Ako misakay og multicab paingon sa bus terminal aron mopauli na sa Mabini.
Nagsabot mi si Roger nga magteksanay lang unya mi kun kanus-a mi magkita pag-usab.
Pag-abot nako sa Mabini, gibalitaan ko nilang Papa ug Mama nga nagbalik-balik kuno si Galen sa balay ug nangita nako. -- Sumpayan pa