Gibitay

DON: (hard angry) Nganong ania pa kamo mopuyo sa akong yuta, dili ba gipalayas ko naman kamo ha.

TEBAN: Tan-awa lang nyor ug nia ba gihapon mi mopuyo sa imong yuta.

DON: (angry) Pero nia pa kining inyong balay.

TEBAN: Nia lagi pero amo man ning gibitay.

DON: Unsya.

* * *

Boto

TEBAN: (diskorso) Kinahanglan nga karong eleksyona kamong tanan, mobotar gyud kanako. Ang mga boto sa inyong mga anak. Ang mga boto sa inyong amahan ug ang mga boto sa inyong anak nga dalaga. Iboto kanako aron magbuto-buto tang tanan.

GOLIAT: Ngeeeeeek.

Nalangan nga kabuntagon

Gula 41

“Manghinaot lang ta, Kuya, nga way nakaila nato niadtong mga pasahero nga sakay sa bus ug nakasaksi sa nahitabo nato.”

“Pero kun pananglit duna gyu’y nakaila nato ug makatug-an ngadto nila ni Daddy ug Mommy sa nahitabo, unsa man kahay atong buhaton?”

“Aw, pasabton gud nato sila si Daddy ug Mommy. Total, di man nato kagustohan ang nahitabo.”

“Pero makasabot kaha sila?”

“Aw, bahala na.”

Pagkagabii, samtang naghigda si Destiny sulod sa iyang lawak, may nanuktok sa pultahan. Mibangon siya aron pagsusi kun kinsa ang didto sa gawas. Sa iyang pag-abli sa pultahan, maoy mitagbo sa iyang panan-aw si Evan.

“Gisugo ko ni Daddy nga ipaanhi ka,” nagkanayon si Evan.

“Ngano man?” sukit ni Destiny.

“Naa si Greger. Ikaw maoy tuyo.”

“U-unsa? Di ba didto man kanang tawhana sa Manila kay sa UP man kana siya mag-eskuyla?”

“Oo. Pero mibakasyon sad tingali. Semestral break gud ron.”

“Huh! Unsa man kahay iyang tuyo?”

“Aw, unsa pa? Bahin gud ninyo. Siya gud ang gibuya ni Daddy alang nimo.” -- Sumpayan pa