Nalangan nga kabuntagon

 Gula 39

Wala motingog si Evan.

“Belib gyud ko nimo, da,” matud ni Destiny.

“Ngano man?” Sukit ni Evan.

“Expert ka na gyud nga molipay og babaye. Hinuon, di na ko angay mahibulong. Daghan na gong babaye nga miagi sa imong mga kamot. Pero wa gyud ko magdahom nga imong magamit diri nako ang imong expertness.”

“Buing...”

“Bitaw. Pero wa kaayo ko ma-enjoy sa atong gibuhat.”

“Unsa?”

“Lagi. Unsaon nga lisod man kaayo ang akong pagkabutang. Gamay ra kaayo ang akong gihigdaan. Natagbaw intawon ko’g pamugong aron di ko mahulog kay nagpadayon man sab pagdagan ang sakyanan. Di sab ko komportable kay may mga tawo nga nagtan-aw nato. Pero kon nahitabo pa kadto sulod sa usa ka pribadong lawak, segurado gyung ma-enjoy ko’g maayo.”

“Nagtuo ka ba diay nga mahitabo kadto kanato sa usa ka pribadong lawak?”

“Aw, di hinuon. Kon di pa tungod niadtong bagis nga mga adik, di gyud kadto mahitabo nato. Napugos lang kita tungod kay wa na man gyud tay choice niadtong higayona. Di sab ko mosugot nga kadtong adik maoy makig-partner nako, uy. Kabati niadto’g dagway. Wa pa gyu’y ligo. Kasuwerte gud niya kon siya’y makauna nako.” -- Sumpayan pa