Ang Impiyerno ni Belen - 2

Gula 60

“Ikaw man ang nasuheto dinhi busa ikaw ang akong tour guide. Gusto ko sa lugar nga duna tay privacy kay daghan ta’g panagsultihan.”

“What particular place ang imong gusto?”

“Ahm, hotel... for instance.”

Wala ko motingog.

“Bring me to the nearest hotel in town, Belen,” giingnan ko ni Roger.

Sa usa ka luhong hotel nga nahimutang sa downtown sa dakbayan sa Tagbilaran mi-check in kami si Roger. Wala ko magpanuko sa pagkuyog kaniya bisan unang higayon pa lang kaming nagkita sa personal. Dili na siya usa ka bag-ong kaila alang nako.

Boyfriend ko na siya bisan og sa text ug chat lang nadugtong ang among relasyon. Makadaghan na mi mag-phone sex. Ug kon unsa man ang mahitabo sa among panagkita sa personal, andam na ko.

Paghisulod namo sa among hotel room, nanawag dayon si Roger sa room service pinaagi sa telepono. Miorder siya’g pagkaon. Samtang nagpaabot mi sa giorder nga pagkaon, gibuksan ni Roger ang TV ug mitan-aw og salida. Dula sa NBA nga gipasalida sa Solar Sports ang iyang gitan-aw.

Pag-abot sa giorder namong pagkaon, nangaon dayon mi. Samtang nangaon, nagkalingaw mi’g kabildo. Komportable ko sa akong pagpakig-uban ni Roger sulod sa mabugnaw’ng lawak. Maayo ang among bonding. -- Sumpayan pa