Gula 53
Wala ko motingog. Igo lang kong mitutok ni Galen nga nagsige paghithit. Mora’g maglisod ko pagtuo nga usa diay siya ka adik. Buotan man gud siya’g hitsura. Dili mailhan nga naulipon siya sa daotang bisyo.
“Gusto kang motilaw?” Gipangutana ko ni Galen.
“Ha-ha?” Nahakanga ko. “A-aw, d-di ko, uy.”
“Mas maayong motilaw ka sab niini, Belen, aron mosamot ang imong kondisyon ug kaagresibo sa sex.”
“U-unsa?”
“Sige na. Tilawi ni. Akong ipasalig nga di ka magmahay kun matilawan mo kini.”
Sa sinugdan, nagduhaduha ko. Pero sa kadugayan, nadala ra gyud ko sa pagsige’g apura ni Galen nako. Maong nitilaw ko. Nisulay ko’g hithit sa shabu. Gitudloan ko ni Galen kon unsaon kini paggamit.
Kanindot sa akong pamatyag sa akong lawas dihang nakahit-hit na ko. Kondisyon na ko kaayo. Piskay kaayong ilihok-lihok. Ug, husto si Galen. Misamot ang akong kaagresibo sa lawasnong panagtagbo.
Sa kadugayan, magpangita na ko sa shabu. Dili na ko makig-sex ni Galen kon dili ko makahithit. Mag-pot session una ming duha sa dili pa mi magtagay sa lawasnong kalipay.
“Kuyogi ko ugma,” ni Galen pa usa ka higayon niana sa among panagtagbo sa kamalig nga nahimutang taliwala sa fishpond. -- Sumpayan pa