Amang nga nakasulti

Nagtabisay ang laway ni Ponso, nga nagsud-ong ni Ulang, nga nag-inusara og kaligo ning dakong sapa, ning balangay sa San Isidro.

Way puas ang pagpanakla ni Ponso, nga ning kaalingiting sa panahon ... iya na gayod nga nakit-an ang kinatibuk-an nga hubo nga kalawasan ni Ulang?

"Ngano god intawon nga managinot ka og babaye nga amang, Ponso? Pagkadaghan ba sa babaye dinhi sa atong dapit?" ingon sa manumbaye karon sa hunahuna niya ang sudya sa iyang inahan nga taudtaod na usab nga nabiyuda.

"Tinuod baya na Nay Porlang, nga nagsugwak ang kadaghan sa mga dalaga ... dinhi sa atong dapit, apan way usa kanila ang nakapapitik sa akong kasingkasing, aron akong higugmaon!" pintok ang iyang tinubagan.

Kinsa man sad god ang dili aboton og dili tiaw nga kaibog ni Ulang, ang kais-is sa kaputi sa iyang paa ... labaw pa man sa kahamis sa bani sa saging gardaba?

Dili na gani matali sa tudlo ni Ponso ... kun makapila na kini niya digahi sa iyang inantigong inamoralan, apan igo lamang kini molingo-lingo, ug usahay gani sinyasan siya nga papaulion. Wa karon baliha ni Ponso, ang pinahitan sa iyang tingkoy sa mga dagkong lamok. Misamot hinuon sa pagkahaling ang inalisngaw sa kainit sa iyang kalawasan, ilabi na nga apilon og lugod ni Ulang, ang dapit sa iyang bugan?

Nanukad na karon si Ponso, nga iyang kalitan og hugot nga gakos si Ulang, ug ukoban niya gikan sa iyang mga halok, ang ngabil ni Ulang.

"Uno .... dos .... tres ....!" iyang giiphan una siya mohunat sa pagduol ni Ulang nga niadtong higayona bisto na kaayo nga gipakita ang duha ka bungdo sa iyang dughan.

Gikan sa dakong punoan sa dakong kahoy sa tugas, mahinamon nga giduol ni Ponso, ang nahimutangan ni Ulang, nga bisan gamay na lang taptap nga nagsalimbong ... pulos na kini gihubo ni Ulang sa iyang pagkaligo.

Milit-ad si Ulang, sa kakalit sa linuog nga gibuhat ni Ponso. Gitagbaw niya ang iyang kaugalingon sa pagdimdim sa usa ka babayeng amang.

Pagkaugma ... lanog kaayo ang tinaghoyan ni Ponso, ug naunsa bang pagkahitaboa ... nga iya man nga nasigpatan si Ulang, kuyog sa kuwerpo sa kapolisan, diin gitudlo siya ni Ulang, nga nagkanayon.

"Siya si Ponso ... ang naglugos kanako sa may sapa, sa San Isidro ug angay ninyong bilanggoon!" (Kataposan)