Ang Impiyerno ni Belen - 2

Gula 8

“Ayaw ko’g ilara,” nako pa. “Nasayod kong gusto ka lang mo-score nako.”

“Moabot gyud ta dihang puntoha kun magkasinabot ta. Mao man gyud nay sangkoan kun magkaseryoso na ang relasyon.”

Wala ko motingog. Miduko ko. Sa akong pagyanghag, nasuta ko nga gitutokan diay ko ni Homer. Nagkatinutokay mi. Taudtaod gyud ang pagbag-iray sa among mga panan-aw. Unya inanay nga gipaduol ni Homer ang iyang ngabil sa akong ngabil. Mikusog ang pagbutokbutok sa akong dughan.

Wala ko makatutol dihang gidaitlan ni Homer sa init niyang halok ang akong ngabil. Mao ray akong nahimo ang pagpiyong sa akong mga mata aron pag-feel og maayo sa kalalim sa iyang hinagkan.

“Sabton ko ba   nga ang wala nimo pagtutol sa akong gibuhat nagkahulogan nga nagkasinabtanay na ta?” Giingnan ko ni Homer dihang milunga siya pag-ukob sa akong ngabil.

“Depende kun unsay imong definition sa pulong yes,” matud ko.

Subling gihagkan ni Homer ang akong ngabil. Unya nabatyagan ko na lang nga gipanangtang na niya’g sugod ang mga salimbong sa akong lawas.

“Dili dinhi,” giingnan ko siya. “Sa kuwarto.”

“Okey, niya pa dayong baswat nako aron dad-on sulod sa kuwarto. -- Sumpayan pa