Nagtakoban nga pagbati

Gula 87

“Mianhi ko tungod kay dili ko mahimutang,” matud ni James. “Wa na koy tarong kinatulgan sukad sa nahitabo kanato. Nganong mibiya ka man nga wala gani mananghid kanako?”

“Tungod kay kadto ang labing maayong paagi aron mahilayo ako kanimo.”

“Nganong gusto ka man gyud nga mopalayo nako? Andam kong manubag sa akong gibuhat nimo. Magpakasal ta.”

“Dili mahimo, James. Ang kaminyoon nga walay kahulogan. Dili kita magmalipayon. Walay kapuslanan kun magpakasal kita tungod kay ikaw mismo nasayod sa real score tali natong duha.”

Dili importante niining higayona ang pagbati kun dili ang kadungganan. Gusto kong bangonon ang imong dungog nga napukan sa akong mga kamot. Marry me, Denia, please, aron makabaton na ako og peace of mind.”

“I’m sorry, James. Pero di ko gustong magtuo ang imong mga ginikanan nga nagpahimulos ko sa higayon.”

Nasayod na sila si Daddy ug Mommy sa nahitabo kanato. Wala sila’y pagsupak sa akong desisyon nga magpakasal kanimo.”

Wala makatingog si Denia. Naglibog na siya kun unsay angay niyang buhaton.

“Naangkon ko na ikaw sa makausa, Denia,” matud ni James. “Gitugyan mo ngari kanako ang imong kaugalingon ug nasayod kong ako’y nakauna nimo. Karon gusto kong maangkon ka sa hingpit. Dawata ang akong gi-offer nimo nga kaminyoon.” -- Sumpayan pa