Gula 84
Nahisagmuyo ko. Dili gyud mosugot si Denver nga mamalhin mi’g puyo. Balido sab hinuon kaayo ang iyang katarongan. Pabor man gyud alang kaniya ang pagbiyahe gikan sa Mabolo paingon sa iyang gitrabahoan.
Gawas lang kaha tingali kun makapadayag ko ngadto kang Denver og lig-ong mga hinungdan nganong gusto kong mamalhin mi’g puyo, posibleng mosugot si Denver. Apan taphaw ra ang akong rason, lisod ang pagkombinser kaniya nga mamalhin mi’g puyo sa laing dapit sa dakbayan sa Sugbu.
Sa tinuod lang, daghan ko’g balidong mga rason nganong gusto kong mamalhin mi’g puyo. Pero ang maong mga katarongan dili mahimong akong itug-an ngadto kang Denver tungod kay maugkat man unya ang mahitungod sa akong pagpakasala sa among kaminyoon.
“Dinhi lang ta, Phoebe,” ni Denver pa. “Mas maayo dinhi kay barato ra ang abangan sa balay ug accessible pa gyud sa akong trabaho.”
“Ikaw ang masunod,” ubay sa kahimangod ang akong sinultihan.
Nasabtan tingali ko ni Denver maong iya kong giparaygan aron mahibalik ang maayo kong buot. Gihagkan niya ang akong aping. Dayon ang lips. Kanang halok nga gitawag og butterfly kiss. Sakdap-sakdap lang.
Apan sa kadugayan, ang estilo sa paghalok ni Denver inanay nga nausab. Hangol, init ug pinadulot na ang iyang hinagkan sa akong lips. Hangtod nga napahigda ko niya sa ibabaw sa kama. Mao na lamay akong namatngonan nga gipanangtang na niya ang mga salimbong sa akong lawas.
Human sa makutas apan tugob sa kalalim nga lovemaking namo ni Denver, nahikatulog mi nga naggakos hangtod sa kabuntagon.
Nagpabilin gyud ming nagpuyo sa Mabolo. Nagpadayon sab ang kinawat-kawat nga pagtagay namo ni Albert sa lawasnong kalipay. Gusto na unta nakong undangon na ang among gibuhat nga pagpakasala samtang wala pa moabot ang panahon nga masakpan mi ni Denver. Apan dihang gisultihan nako si Albert sa akong nahunahunaan, wala siya mosugot.
Nagpadayon sab si Sir Mateo Rambaud sa pagpahimulos sa higayon. Dili ko siya kabalibaran sa higayon nga manginahanglan siya sa akong lawas kay mahadlok kong iyang ibutyag ang gikabalak-an kong kamatuoran.-- Sumpayan pa