Her heart can’t take it nga dudahan siya ni James nga nagpa-charming ngadto niini.Tinuod nga nakagusto siya kang James, pero dili niya kinaiya nga magpakita’g gesture ngadto sa lalaki nga iyang nagustohan.
Madawat niya ang gisulti ni James nga dili siya type niini. Pero lisod kaayong dawaton sa iyang ginhawaan ang pag-ingon ni James nga nagpa-charming siya ngadto niini. Alang kaniya, usa kini ka dakong pagpaka-uwaw sa iyang pagka-babaye.
Wala nay rason aron magdugay siya sa lawak ni James. Gidali niya’g pahimutang ang mga pagkaon niini sa ibabaw sa lamesa. Dayon migawas siya sa lawak sa ulitawo nga wala gani mananghid.
Midiretso siya sa iyang lawak sa servant’s quarter. Didto wala na niya kapugngi ang iyang kaugalingon sa paghilak.
Ikatulong adlaw pa lang karon sa iyang pag-alagad sa pamilyang Ricarte. Nahisagmuyo pag-ayo si Denia sa kalit nga kausaban sa dagan sa mga panghitabo. Nagtuo siya nga mahimong hapsay ang tanan alang kanila ni James tungod kay kadali ra man silang nagkasuod ni James.
Kagabii lang daghan sila’g gipanagsultihan samtang nagmasahe siya ni James sulod sa lawak niini. Bisan casual lang ang ilang panagsulti apan at any rate, nakatampo kadto aron mosamot ang kahugot sa ilang bonding. -- Sumpayan pa