Gula 77
Na-realize nako nga nahitumpawak ko sa komplikado kaayong sitwasyon. Wala koy choice. Dili makasibog ug dili sab makaabante kay naapiki ko’g maayo sa sitwasyon namo ni Sir Mateo Rambaud.
“Isip lalaki,” ni Sir Mateo pa, “naluoy ko sa imong bana nga nagtinarong sa pagpanarbaho apan imong giluiban. Gusto kong mosumbong ngadto kaniya sa tanan kong nasayran. Apan mahimong dili ko kini ihinayon kun di ka magpagahi-gahi ug magkasinabot ta.”
“U-utang buot, Sir, ayaw tug-ani si Denver kun unsa man ang imong nasayran,” nakaingon ko nga ingon sa nalukmay gumikan sa sulsol sa kakuyaw ug kabalaka.
“Wa koy libog, Phoebe. Sayon ra kong saboton. Anaa ra kanimo ang desisyon kun mosugot ka ba o dili sa gusto kong mahitabo tali kanato.”
Sa akong sitwasyon, ang unang misantop sa akong hunahuna mao ang paglikay sa kasuko sa akong bana. Kinahanglang dili masayod si Denver sa sekreto kong mga binuhatan aron dili magkagubot ang among pagpuyo. Busa, napugos ko sa pagpaundayon sa gustong mahitabo ni Sir Mateo.
Sulod mismo sa lawak nga giabangan namo ni Denver, hangol kaayo si Sir Mateo nga miangkon sa akong pagka-babaye. Bisan wala ko sa mood for love nga nakighilawas kaniya apan miabot gihapon kanako ang gana. Hanas usab si Sir Mateo nga molipay og babaye.
Human sa unang round, gusto kong mogawas na si Sir Mateo sa lawak nga akong nahimutangan. Giapura ko siya. Apan nagdumili pagsanong si Sir Mateo kay mo-score pa kuno siya pag-usab.
Gipalabay lang niya ang pipila ka gutlo. Dihang nakatigom na siya’g igong hangin alang sa laing makutas nga engkuwentro, mitapuko na usab siya kanako. Subli niyang giangkon ang akong pagka-babaye.
Sa nakagawas na si Sir Mateo sa kuwarto, wala ko makapugong sa paghilak. Akong na-imagine nga nahimong miserable ang akong kinabuhi gumikan sa akong pagpaulipon sa kahangol sa unodnong kalipay. Kun dili pa tungod sa akong pagpakabuang sa unodnong kalipay, dili unta mahitabo nga lakip si Sir Mateo makapahimulos sa akong pagka-babaye.
Nasubo ko pag-ayo sa nahitabo nako. Sa tanang mga lalaki nga miangkon sa akong pagka-babaye, si Sir Mateo ang giayran ko labaw sa tanan. Wala gyud ko makagusto niya bisan diyotay na man lang.
Samtang naghunahuna sa nahitabo nako, mibati ko’g kabalaka.-- Sumpayan pa