EDITORYAL - Dili kapugngan ang hero

Text nga atong nadawat gikan sa usa ka magbabasa: “Nindot gyud ning boxing hero ta sa nasud o kalibutan. Bisan mosupak tas kasugoan sa gobiyerno okay ra. Way mahimo ang mga tinugyanan sa maong kasugoan. Tahod gyud sila sa hero.”

Ang gipasabot sa texter mao si boxing megastar nato nga si Manny Pacquiao. Tungod sa swine flu kon influenza A (H1N1) nga nakabiktima na didto’s Los Angeles, si Pacquiao gihangyo nga i-postpone lang una ang iyang pagpauli sa Pilipinas.

Wala mosugot si Pacquiao. Miuli gyud siya. Hero gud siya, dili papugong. Gisalikway ang paninguha sa gobiyerno nga dili makasud sa Pilipinas ang gikalisangan nga virus.

Busa, husto ang giingon sa atong texter: “Nindot gyud ning boxing hero ta sa nasud...”