Gula 36
Nakaamgo nga mubo ra ang mga oras sa among panag-uban, si Kenneth mipakita sa iyang time consciousness. Wala siya mag-usik og bisan tipik na lang sa usa ka segundo. Pagsulod namo sa mabugnaw’ng lawak, gilayog dayon ko niya. Gikaligoan og halok.
Nagkadipo-dipo ko’g sagang sa nagpungasing mga halok ni Kenneth samtang nagmaneho siya sa pagpanangtang sa mga salimbong sa akong lawas. Gisunod dayon niya’g tangtang ang iyang gipangsul-ob. Dihang managsama na kaming walay sapot, iya dayon kong gipahigda sa kama.
Mitapuko dayon si Kenneth dihang naghigda nako nga naghayang sa ibabaw sa kama. Giukoban niya’g maayo ang akong ngabil ug gidaitlan sa mainit niyang halok. Diha gihapon ang kahangol sa iyang hinagkan. Kun sa manok pa, mora’g pugoso ra siya kaayong makig-engkuwentro.
Gamit ang inantigo niyang paagi sa pagpahigayon og foreplay, milampos gayod hinuon si Kenneth sa pagpukaw sa akong sexual urge. Dihang pareho na kaming nanginit, gipahigayon na ni Kenneth ang final step sa pagpakigpinarayganay! Ug nagdungan mi pagsangko sa kinapungkayan sa himaya.
Mipahulay lang mi’g kadiyot. Dihang nakatigom na’g igong kusog, gisubli namo ni Kenneth ang pagtagay sa lawasnong kalipay. Mas mainiton ug mas agresibo ang among pagpinarayganay. Mas tugob sa sensasyon ang among panaghilawas. Mora ko’g mabuang sa kalalim. Daw sa mihunong pagtuyok ang kalibotan dihang nagdungan mi si Kenneth pagsangko sa pungkay sa katagbawan.
Dihang nanggawas na kami si Kenneth sa motel, wala na mi magkuyog. Wala na ko magsusi kun asa siya paingon. Sa akong bahin, misakay ko’g taxi paingon sa Colon. Nakahukom kong dili na lang mopauli sa balay. Magsuroy-suroy na lang ko sa mga department store sa Colon area aron pagpatay sa oras hangtud nga mogawas na si Denver sa iyang trabaho.
Misulod ko sa Metro Gaisano. Giuna nako’g suhid ang ilang displayhanan sa mga CDs ug DVDs. Namili ko’g nindot nga mga pelikula ug mga kanta. Pero wala koy nagustohan maong mibiya ko sa maong dapit.
Milahos ko sa ladies’ wear department. Nanan-awtan-aw sa gipang-display nga new arrival signature clothes. Duna untay nauyonan nako nga desinyo pero bati sab ang kolor niini. Wala na lang ko mopalit niini bisan ginindotan ko sa desinyo sa maong sapot.
Mipadayon ko sa pag-window shopping. Miadto ko sa foot wear department. Nagsukod-sukod sa mga sapatos. Wala gyud koy planong mopalit pero kun duna koy magustohan, basin og matental ko pagdala niini ngadto sa counter aron bayran. Pero wala sab ko’y napilian aron unta paliton.
Ang sunod nakong giadto mao ang school and office supplies department. Maoy akong gipuntariya ang gi-displayhan sa mga pocketbooks. Gipangsuhid nako ang mga ulohan. Hangtod nga nadapit ang akong pagtagad sa usa ka Binisayang pocketbook nga sinulat ni Uriel Cruz Vallecera nga nag-ulohan og Bahandi sa Gugma. Gipalit ko ang maong pocketbook.
Dihang gibati na ko’g kagutom, misakay ko sa escalator paingon ngadto sa kataposang andana sa Metro Gaisano diin nahimutang ang ilang Food Avenue. Samtang nagsakay sa escalator, gilili ko ang oras sa akong relo. Ug mora’g nalisang ko pagkasayod nga ala-una imedya na diay ug wala pa ako makapaniudto.
Nagdali-dali ko’g order og pagkaon. Mipahimutang sa usa ka bakanteng lamesa nga may lingkoranan ug misugod dayon og kaon. Pagkahuman, mipadayon ko pag-window shopping. Hangtod nga miabot ang 4:30 sa kahaponon. Migawas ko sa department store ug misakay og taxi paingon sa uptown alang sa sabot namo ni Denver.
Sa usa ka luhong kan-anan sa uptown area namo sauloga ni Denver ang among 12th wedding anniversary. With candle light pa ang among dinner.
“Mo-check in ta ron sa hotel human sa pangaon,” nagkanayon si Denver samtang nangaon mi. -- Sumpayan pa