Basta makatubil gani si Fredmon og agua de pataranta ilabi na gyud og Super Tanduay mogana gilayon ang iyang kahigal. Dili gayod siya pabalibad kang Lusing nga iyang asawa kun anaa na sila sa higdaanan. Mao man gani nga nag-alinupong lang ang ilang mga anak. Bida lagi. Labi nag makasumsom og linarang nga pawikan, sus, samot ... mamora lagi’g kahoy'ng tugas ang kagahi sa iyang kargada!
Usa ka gabii niana puwa kaayo ang tapay ni Fredmon nga nahiuli gikan nga nakig-inom sa iyang mga kauban sa BATHALAK kun Batan-ong Hinginom og Alak. (Mga guwatsinanggo man kaayo sila nga nagbunyag gyud og ngalan sa ilang grupo nga mga kusog kaayong manuyop. Ang iyang mga kauban sila si Bartolome, Carmelo, Pete, Segundo, Erning, Melchor, Israel, Javier ug John). Mibaiid dayon si Fredmon kang Lusing nga naghigda na sa ilang kuwarto kay ang ilang mga anak atua na sa pikas nga lawak. Nagtilagak bayang laway sa guwatsi nga magsusulat ilabi na nga iyang nasiplatan nga nabukas ang sayal ni Lusing ug wala maghabol. Sus, pagkalain sa gibati ni Fredmon samtang nagtutok sa nagbugol nga 'daw ukabhang sa tambayang nga nagkulob' sa iyang asawa nga sinapinan og nipis kaayong panapton.
Mitapuko dayon si Fredmon human niya’g panangtang daan sa iyang mga sapot. Nakalitan si Lusing.
"U-uy! Naunsa ka god, Fred nga namora man kag si Tarzan? Ug mao pay imong pag-abot? Pagkabaho ba nimong bino, uy?"
"Aw, hibawo na man ka basta magkatapok na gani ang mga taga BATHALAK, Day, he-he-he." Sige na bi ... pahumola na ko."
"Ba diha, uy, Fredmon?" Gahalhal ka lang! Wa kos kondisyon, uy.!"
"A, mokondisyon ra lagi ka, Day Sing, kun makagango-gango na kas akong kambyo. O, hakpa ni, o." Ug gipakuptan ni Fredmon kang Lusing ang iyang 'kambyo' nga puwerte nang gahia human niyang pawong sa suga.
Daw nainit tinuod si Lusing. Unya mihunghong: "Pagkuha sa didto’g kondom, Fred, aron way kuydawo. Bag-o pa baya akong mens...."
Kini da! Sa hunahuna pa ni Fredmon dayong kamang sa kangitngit paingon sa ilang kabinet. Apan sa iyang pagpanghikaphikap sa hunos wa gyud siya’y nahiramang kondom. Unya mikuot siya sa laing hunos ug dihay laing butang nga iyang gikuha. Ug mituaw si Fredmon sa hilom: "A, suwayan ko na lang ni." Ug diha siya’y gimaneho.
Pagkaugma...
"Fred, ngano man tong kagabii nga sapnot man kaayo unya mora mag nanghapdos ron? Kadto pa man ko sukad makasuway ato, uy. Kalain gyus akong pamatyag. Ngano ba to?"
Gihunghong ni Fredmon ang iyang tubag kang Lusing...
"Unsaaaaa! Kaamaw gyud nimong tawhana ka, uy!"
"Mao lagi, Day Sing. Wa man god nako mahirami ang kondom gabii mao nga ang plastik na lang sa ice candy akong gigamit!" (Kataposan)