Katunggan

TORIBYA: (parayeg). Teban, hain man na magpuyo ang baboy?

TEBAN: Sa alad sa baboy.

TORIBYA: Kanang isda, hain man na magpuyo?

TEBAN: Sa dagat.

TORIBYA: Unya kanang tambasakan, hain man na magpuyo?

TEBAN: Sa katunggan.

TORIBYA: Unya nganong nia man ka?

TEBAN: Ngeeekkk

* * *

Kurbata

TEBAN: Uhaw na kaayo ko, nagkinahanglan ko’g tubig uhawww.

BABAYE: (Hagad) Sir. Palit aning kurbata Sir...

TEBAN: (Nasuko) Unsay kurbata? Tubig ang akong tuyo...dili kurbata!

BABAYE: Naay tubig Sir ayy.

TEBAN: Ay, salamat makainom na gyud ko’g tubig uhaw na kaayo.

GOLIAT: (Nasuko) Hoy, asa ka?

TEBAN: Moinom ko’g tubig.

GOLIAT: (Nasuko) Dili ka makainom. Ang makainom ra anang tubiga... kadtong mga tawo nga nagkurbata.

TEBAN: Pfffttttt....