Kilometro 35

Gula 57

Dihang nakapahimutang na ko’g maayo sa ibabaw sa kama, subli kong gikaligoan og halok ni Bredhart. Hangol kaayo siya’g hinagkan pero wala ko magtuo nga wala pa siya’y kasinatian uban sa usa ka babaye.

Hanas na si Bredhart. Mora siya’g ekspertong mekaniko nga suheto kaayong nanghikap sa spare parts sa akong lawas.

Kun nganong may pagkahangol ang iyang hinagkan, tungod tingali kay taudtaod siyang nalutas sa pagpakigpinarayganay og babaye.

Gikan sa akong ngabil, mikanaog ang paghalok ni Bredhart sa akong liog. Ang iyang paghalok milahos ngadto sa punoan sa akong dalunggan.Nangimbig ko sa kagilok ug kalalim nga akong gibati.

Wala magdugay ang paghalok ni Bredhart sa punoan sa akong dalunggan kay ingon sa nakasabot siya nga dili ko komportable bisan tuod nga nakabatyag gihapon ko’g kalalim niini.

Daw nagdahik ang iyang dila ug ngabil paingon sa akong dughan. Giungad niya’g maayo ang cleavage sa taliwala sa duha ka bus-ok nakong boobs. Morag batang masuso nga gihagwa ni Bredhart ang daw duha ka bungtod sa Chocolate Hills nga mitubo sa akong dughan.

Si Bredhart nga naghinamhinam na sab wala mag-usik og panahon. Human masuta nga napunting na niyag maayo ang tukmang ig-anan, mi-strike dayon. Tuod man, na-bull’s eye dayon ang akong hiryang.

Kadali ra ming nakaabot sa point of no return. Giabagan ko na si Bredhart aron mas mabulokon ang among pagpinarayganay.

Tuod man, nagkadungan mi’g abot sa kinapungkayan sa ikapitong langit. Nagsagol ang mga singot sa nagkadapatay namong mga lawas. Nagtubagtubag ang among mga hangos human mapuga ang kataposang lana sa kalalim.

“Nalipay ka ba sa nahitabo nato?” Gipangutana ko si Bredhart paglabay sa pipila ka gutlo human sa among gibuhat.

“Oo,” maoy iyang tubag. “Pero mora ko’g nagdamgo.

“Ngano man?”

“Wa ko magdahom nga maangkon ko ikaw karong gabhiona. Guwapa ka, Sandra. Mora ka’g nawong ni Robin Tunney.”

Wala ko motubay sa gisulti ni Bredhart. Wala ko motubag.

“Nganong naingon ka man niini, Sandra?” Takulahaw lang nangutana si Bredhart. “Nganong imo kining gibuhat?”

“Tungod kay gusto kong malipay,” laktod nakong tubag.

Bisan kuwap ang kahayag sa lampshade nga nagbanwag sa lawak, naklaro ko ang pagkunot sa agtang ni Bredhart. -- Sumpayan pa