Sukli sa utang

Gula 160

Misantop sa akong hunahuna nga mao tingaling dali rang nakadawat si Ferdinand nga dili na ko virgin gumikan sa nahitabo sa duha niya ka manghod nga pulos gipaangkan. Ang iyang mga igsuon nga disgrasyada nakatabang tingali kang Ferdinand pagbale-wala sa kamatuoran nga dili siya’y nakauna sa akong pagka babaye.

“Dili na tingali uso ang virginity karon,” nagkanayon si Ferdinand.

“Dili ba kini unfair para nimo?” gipangutana ko siya.

“Nganong unfair man? Para nako, patas ra ang nahitabo nato. Kun may kagahapon ka sa laing lalaki, may kagahapon sab ko sa laing babaye.”

“Ang buot mong ipasabot nga dili ako ang unang babaye sa imong kinabuhi?”

“Nag-expect ba diay ka niana?”

“Wa man hinuon. Sa imong barog nga kusog kaayo’g sex appeal ug charisma ngadto sa babaye, dili na tingali ikahibulong kun may babaye nga dali rang mahulog ang underwear kun makakita nimo.”

Mipahiyom og hilaw si Ferdinand.

“Nalipay ko nga may kasinatian ka na uban sa laing babaye,” giingnan ko siya. “At least, dili ka alkanse sa atong relasyon.”

“Lahi ko’g panud-ong sa ubang mga lalaki,” niya pa. “Sa matag babaye nga akong ikarelasyon, dili gyud ko mag-expect nga virgin pa siya.”

“Ngano man?”

“Tungod kay ma-disappointed lang unya ko kun madiskobrehan na nako nga dili na siya virgin.”

“Ni-admire baya ko sa mga babaye nga nakahimo pag-preserve sa ilang virginity. Pero tawo lang ko, may kahuyang.”

“Ni-admire man sab ko sa mga babayeng virgin, ba. Pero para nako, consolation lang lagi ang virginity. Kay base sa kaugalingon kong kasinatian, sa siyam ka babaye nga akong nadala sa kama, duha ra kanila ang virgin pa.”

“Daghan na sab diay ka’g natuhog, no?”

“Oo. Ug I hope nga dili mausab ang pagtan-aw mo nako.”

“Dili, uy. Wa koy labot sa imong kagahapon. Misamot hinuon ang akong pagsalig nga honest ka gyud ngari nako.”

“Salamat.”

Unya nahilom mi. Nagtinutokay. Unya nag-abot na usab ang among mga ngabil. -- Sumpayan pa