Ang Tinagoan

(Kining maong nobela gibase sa matuod nga kaagi ni Dinah).

Nakugang si Kobe pagkamatikod nga nakasulod si Dinah sa iyang lawak ug midulog kini kaniya sa paghigda sa kama.

"Nganong nia ka man sa akong kuwarto, Ma'am?" Wala makapugong sa pagpangutana si Kobe. "Unsay buot ipasabot niini?"

"Pssst!" Gisap-ongan ni Dinah sa iyang tudlo ang baba ni Kobe. "Ayaw pagsaba aron dili makamata ang imong Papa ug Mama."

"Ngano man lagi kini?" Hagawhaw na ang tingog ni Kobe.

"Gusto kong maglipay uban nimo," padayag ni Dinah. "Make love to me, Darling. Maglipay ta karong gabhiona."

Sa walay paglantaw og bisan unsang responsibilidad sa umaabot, si Kobe mitukob dayon sa hagit nga gipaon ni Dinah sa iyang atubangan. Gipaundayonan niya ang kainit ni Dinah. Nahitabo ang init kaayo nilang romansa. Hangtod nga giangkon ni Kobe sa hingpit ang pagka babaye ni Dinah.

Ug ang sexual nga panagtagbo nila ni Kobe ug Dinah nasubli sa makadaghan sa misunod nga mga gabii. Kasagaran, adto sila magtagay sa lawasnong kalipay sulod sa lawak sa lalaki. May mga higayon usab nga si Kobe ang mosulod sa iyang kuwarto aron adto sila maghilawas.

Hangtod nga miabot ang panahon nga nagbunga ang kinawatkawat nilang panaghilawas. Gusto ni Dinah nga pakaslan siya ni Kobe.

"Wa kana sa atong gikasabotan," ni Kobe pa. "Sexual pleasure ray atong gitinguha. Wa tay gikasabotan bahin sa kaminyoon ug di pa ko andam."

"Pero kinahanglang bangonon mo ang akong dungog," ni Dinah. (Sumpayan pa)