Ang Tinagoan

Gula 41

(Kining maong nobela gibase sa matuod nga kaagi ni Dinah).

Si Padre Gio mipasabot kang Dinah nga nakalitan lang siya sa pag-atake sa tentasyon maong naapiki siya ug wala makapanagang. Na-pressure kuno siya maong natental siya. Pero dili na kuno mausab ang nahitabo tali kanila. Igo lang mikatawa si Dinah sa iyang gisulti.

“Pressure changes everything,” nagkanayon si Padre Gio. “Pero once is enough. And enough is enough.”

“Mao kanay di ko makatugot, Padre Gio,” insister ni Dinah. “Karon na hinuon nga ato na kining nasugdan moingon kang di na masubli pa ang nahitabo tali kanato?”

“Tungod kay ang nahitabo tali kanato dili unta angay nga mahitabo. Usa kini ka dakong binuang. Pagpakabuang nga makadunot sa kalag!”

“Gitakda kini sa panahon busa dili ka angay moingon nga dili kini angay mahitabo nato. Gibuligan kini sa kahigayonan.”

Pagkilab sa pipila ka gutlo, gusto na ni Padre Gio nga mobiya na si Dinah sa kombento. Ingon sa nabalisa pag-ayo ang pari.

“Pauli na,” giingnan niini si Dinah.

“Di ko mopauli kun way ikaduha,” nagpaugat si Dinah.

“U-unsa?”

“Make love to me again. Please...”

“God...my God...!”

“Sige na. Morebansin na ta kun di ka gustong maabtan ta sa imong mga kauban dinhi sa kombento. Tingalig mangabot na sila karong taudtaod.”

Ang pari ingon sa naapiki na sab. Nahimuot sa hilom si Dinah sa reaksiyon niini sa iyang gisulti. Morag na-pressure gyud kini pag-ayo. Nipabor man god kang Dinah ang sitwasyon.

Walay nahimo si Padre Gio. Napugos gayud kini pagpaundayon sa kagustohan ni Dinah. Mirebansin sila. Gisubli nila pagtagay ang kalalim sa unodnong kalipay!-- Sumpayan pa