Ang Tinagoan

Gula 38

(Kining maong nobela gibase sa matuod nga kaagi ni Dinah).

Wala makalihok si Padre Gio. Ingon sa nakalitan ang pari sa gihimo ni Dinah. Gipadayon ni Dinah ang pagpaduol sa iyang ngabil ngadto sa ngabil sa pari. Gikulbaan si Dinah sa tumang kahinam. Iyang gihunahuna nga matigayon na gyud ang iyang gilaraw alang kang Padre Gio!

Pero dihang hapit na gayod mag-abot ang masig nila ka ngabil, kalit siyang giwakli ug gitukmod ni Padre Gio. Hapit siya mahalup-og sa salog kay medyo kusog ang pagtukmod ni Padre Gio kaniya.

“I-I’m sorry,” nangayog despensa ang pari sa pagtukmod niini ni Dinah.

“Okey lang,” ni Dinah. “Ang importante mao nga di ko nimo balibaran.”

“Unsay buot mong ipasabot nianang pagkasultiha?”

“Let’s make love together. I think I will enjoy very much serving under you.”

“D-Dinah...”

Mibalik si Dinah sa pagpasabak kang Padre Gio. Ug sa makadiyot daw naigking ang pari dihang giukoban niya ang ngabil niini. Nagkaakob gyud ang ilang mga ngabil. Mihangos si Dinah sa kahinam nga iyang gibati.

Pero kalit lang siyang giwakli ni Padre Gio.

“This is insane,” nagkanayon ang pari.

“It is remarkable how similar the pattern of love is to the pattern of insanity,” giingnan ni Dinah ang pari.

Nahitutok si Padre Gio kang Dinah.

“I love you, Fr. Gio,” padayag ni Dinah.

“Dinah, please...” Daw wala masayod si Padre Gio sa angay niyang buhaton. “Ayaw ko’g ingon-inia. Please...!”

“Andam kong mohatag og tubag sa imong biological needs. Ayaw kabalaka. Way laing masayod niini gawas lang natong duha.”

Ug gipaduol na sab niya ang iyang ngabil sa ngabil sa pari. -- Sumpayan pa