Ang Tinagoan

Gula 33

(Kining maong nobela gibase sa matuod nga kaagi ni Dinah).

Sa pagbiya ni Padre Josh sa lungsod sa Dalisay, si Ma’am Faith maoy labing naapektohan. Kaha tungod kay na-in despair siya, mi-resign siya sa pagka maestra sa Santa Angela Academy.

Misulod si Ma’am Faith sa monasteryo sa mga madre. Ug ang gisawo-sawo nga tabi-tabi sa lungsod sa Dalisay mao nga si Padre Josh ang hinungdan nganong gustong magmadre si Ma’am Faith.

Si Dinah? Tinuod nga mibati siya’g dakong kawili kang Padre Josh. Na-crush gayod siya pag-ayo sa maong pari. Dili kay kutob ra sa crush. Nakagusto gayod siya niini ug nagpantasya siya niini. Gusto siyang makig-make love sa pari ugaling lang kay giisnab man niini ang iyang beauty.

Apan wala mosangko sa desperate situation ang kawili ni Dinah kang Padre Josh. Kadali ra siyang naka-recover tungod kang Rex. Bentaha gayod diay kun may fallback. Kun may reserba, matud pa. Kun wala pa si Rex, tingali maguol usab siya’g maayo sa pagbiya ni Padre Josh sa Dalisay.

“I love you, Dinah,” nagkanayon si Rex usa ka higayon niana nga bag-o lang silang nahuman pagdimdim sa dugos sa himayang unodnon. “Ako ka lang... ako ray manag-iya nimo.”

“Nagtuo sab kong ikaw na gyud ang gitagana sa Dios para nako, Rex,” tubag ni Dinah. “Sa kadaghan sa mga lalaki nga akong nakita, nganong ikaw man gyud ang nahimung tipik sa akong kinabuhi. Ikaw gyud tingali ang akong destiny, ang akong perfect partner!

Subli nilang gitagay ang lawasnong kalipay. Mainiton ang ilang panagtambayayong pagkatkat sa hagdanan sa ikapitong langit. Ug naangkon gayod nila ang hingpit nga katagbawan sa panaghilawas.