Ang Tinagoan

Gula 30

(Kining maong nobela gibase sa matuod nga kaagi ni Dinah).

Mao gihapon ang nahitabo. Gi-imagine ni Dinah nga si Padre Josh ang iyang katambayayong pagtagay sa lawasnong kalipay.

Nasayod si Dinah nga unfair ang iyang gibuhat alang kang Rex nga maoy matuod niyang kapares. Apan dili siya makahimo sa pagkontrolar sa iyang hunahuna. Mas na-enjoy siya sa pag-fantasize kang Padre Josh kay sa aktuwal nga pagpakigpinarayganay kang Rex nga iyang boyfriend.

Dihang iyang nabatyagan nga nakapabuto na si Rex, iya kining gitukmod. Mibangon siya ug nag-ilis.

“Asa ka na man?” gipangutana siya ni Rex.

“Sa kosina,” ni Dinah pa. “Magkuha ko’g snacks para natong duha.”

Migawas si Dinah sa lawak. Midiretso siya sa banyo aron pagtubag sa sugo sa lawas. Pagbalik niya sa kuwarto, nagdala na siya’g isnakonon alang nilang duha ni Rex. Mibangon si Rex sa iyang paghisulod.

Nangaon dayon sila. Pagkahuman, subli nilang gitagay ang dugos sa himayang langitnon nga matagamtaman lamang pinaagi sa panaghilawas. Gitilok gayod nila ang mga gutlo sa kalipay.

Nanglabay ang daghang mga adlaw. Wala gayod kawad-ig paglaom si Dinah nga mahulog si Padre Josh sa iyang mga kamot. Kanunay siyang nangita’g higayon pag-seduce sa pari. Apan nagpabiling malig-on ang pari. Wala gayod kini magpatental kaniya. Walay epek alang kang Padre Josh ang tanan niyang gihimo aron unta matental kini pagdimdim sa katam-is sa iyang pagka babaye. Niini, nahagit gyud pag-ayo si Dinah!

Si Rex ang pahungawan kanunay ni Dinah sa iyang pag-fantasize kang Padre Josh. Nahisama na lang intawon sa pahoy si Rex sa matag higayon nga sila magpinarayganay! -- Sumapayan pa