Ang Tinagoan

Gula 12

(Kining maong nobela gibase sa matuod nga kaagi ni Dinah).

Matud pa lagi sa estorya, wala gyud magmahay ang tanang mga lalaki nga gikarelasyon ni Dinah kay pulos man sila nakatagamtam sa iyang himaya. And she was exposed to sex long before she was exposed to love.

Matahom man sab god si Dinah maong dali ra siyang makadani og lalaki. Kun kalitan siya’g tan-aw, susama siya’g panagway sa Hollywood star nga si Keira Knightley. Pun-an pa sa iyang pagka-flirt, dili ikahibulong nganong daghan nang mga lalaki ang iyang gikarelasyon.

Si Rex ang labing ulahing lalaki nga gikarelasyon ni Dinah. Lumad si Rex nga taga barangay Bakhaw. Gikaila ni Dinah si Rex dihang nagtudlo na siya sa eskuylahang elementarya sa Bakhaw.

Nanguyab dayon si Rex kang Dinah. Ug kay nakagusto man usab siya ni Rex, kadali ra silang nagkasinabot. Nagkauyab dayon sila. Ug ang ilang relasyon dili lang kutob sa uyab-uyab. Misangko gayod kini ngadto sa mas lawom nga kahulogan sa intimacy. Usa ka sexual relationship.

Sa matag higayon nga makabaton sila’g privacy, mosangko gayod sila sa seksuwal nga panagtagbo. Sama sa nahitabo karon nga ila ang tanang panahon sa pagtagay sa lawasnong kalipay kay wala man gyu’y makabalda kanila sanglit nag-inusara ra man lagi si Dinah sa pagpuyo sa balay nga iyang giabangan. Gisaw-an nila sa tumang kahangol ang mga gutlo sa kalipay. Gipahimuslan gyud nila’g maayo ang higayon.

Gisaog sila sa tumang kahinam nga buot nilang matibuok ngadto sa naghingapin nga sensasyon maong gitambayayongan nila ang pagbugtaw sa himaya. -- Sumpayan pa