Anak sa agukoy

Mahiligon kon magustohon og pangaligo sa sapa si Myline kuyog sa iyang mga barkada bisan gibauran sila sa ilang mga isigka ginikanan nga dili sila paliguon dihang dapita kaymay giamung-amungan nga babaye ug gipusgay ang tinaguan niini. Apan wala patuo sa tambag.

Sa diha na si Myline sa tunga-tunga nga bahin sa linaw uban sa iyang mga higala may nahibudngan silang lihok sa tubig nga dili masabot murag giduyan sila sa tubig nga unta sapa raman dili man dagat. Nasinati nila ang bawod. Mao nihunong sila og pagkiatkiat kay nagdakopdakop man ang mga barkada halos ang tibuok kawanangan sa sapa nga linaw naglanog-lanog ang mga tingog sa mga dalaga.

"Hala, Jenny, Rose naka matikod mo sa tubig?" pulong ni Myline. Dala ang kakuyaw ang pangutana ngadto sa iyang mga higala.

"O bitaw, Myline, nakamatikod pud ko nga naay naghikap sa akong paa abi nako atong kauban pero layo raman sila. Akoa lang namatikdan ug akong nahiraman sa ilawum naay balhibuon nga pamanit nga akong nahikapan apan gibaliwala ra nako, Jen, Ros, Lin," pulong ni Leah nga kahilakon sa kakuyaw.

Mao nagdali sila’g kawas sa tubig ug nagpadaplin nalang ug nagpalurang sa nanlimbawot nga balahibo ug sa nibawod nga sapa. Apan si Myline wala mokawas diha gihapon sa tunga ug nagsawom-sawom. Apan dakong kahibulong ni Myline kay nangahushos man iyang short sa tanto niyang langoy-langoy asta iyang panty nga t-back naabot na sa lukonan ug nibarog nalang siya sa tunga kay gibati niya ang kabinhod sa duha niya ka paa.

Apan aduna gyuy lahi sa iyang nabatyagan sa iyang parte sa lawas nga dunay magpanghiram niini ug gibati niya ang kagil-as o kagilok. Wala siya kasabot sa iyang gibati mosiyagit siya apan dili kadungog ang iyang mga barkada nga unta duol raman. Morag dili mogawas ang tingog sama sa estatwa nga nagpamatyag lang sa panahon. May nabatyagan gyud nga nidusoduso sa akong bilahan nga dili mahubit nga pulong sa buhat.

Ug maayo nalang kay wala nagdugay naulian ang liro sa tubig ug nawala na ang paminhod sa duha ka tiil ni Myline ug nagdali siyag sul-ob balik sa iyang underwear nga naabot sa lukonan dayon kawas. Dali kaayo silag palayo sa dapit. Ug dangtan pila kabulan may nabatyagan si Myline nga nidako o nituybo ang iyang tiyan. Unsa pagka-unsaha nga buntis siya.

Dako ang pagmahay ni Myline kay giukoy man siya sa sapa ug nagbunga ang gibuhat sa agukoy. Nahimugso gayud kini. Ang hitsura dili masabot apan ila kining gipangga giatiman ug ang ilang kahimtang kabus kaayo kaniadtong panahon. Karon labi na kadako ang kausaban sa ilang kahimtang. Adunahan na sila tungod kay naghatag man og dakong suwerte ang anak sa ukoy. (Kataposan)