Gula 100
Naglisod gyud ko pagtuo nga mabdos ko. Hugot man god ang akong pagtuo sa findings sa uro-genito specialist nga naghiling kang Dirk ug nag-ingon nga sterile ang akong bana. Wala na ko masayod kun hain ang akong tuohan karon. Daw nag-atubang ko sa state of dilemma niining hitaboa.
Apan si Dirk midayak sa kalipay. Pag-abot namo sa balay, gisuginlan dayon niya ang akong mga ginikanan sa resulta sa pag-eksamin sa higala kong doktora kanako. Labihan sang lipaya sa akong mga ginikanan pagkasayod nila nga nagsabak ko. Nagtuo na hinuon silang tanan nga ang pagkatol sa akong sexual organ bunga lang sa akong pagmabdos ug mawagtang ra kini sa kadugayan.
Sa pagtuo nga wala nay kuydawo sa akong kahimtang, namauli na sila si Papa Gustavo ug Mama Dortha sa Talisay. Si Dirk na lang ang nag-atiman nako. Mora’g natinuod sab ang ilang pangagpas kay wala na man sab mosugmat ang pagpangatol sa akong genitals. Pero daw dili pa gyud ko makatuo nga nagsabak ko.
“Ugma moreport na ko sa trabaho,” giingnan ko si Dirk usa ka gabii niana. Usa ka semana nang wala ko hasola sa kakatol sa akong sexual organ.
“Ikaw ang mag-igo,” matud ni Dirk. “Kun baskog na ang imong lawas, dili ko ikaw pugngan. Nasayod kong gimahal nimo ang imong trabaho.”
“Absolutely.”
Mitakilid ko paatubang kang Dirk. Gihagkan ko niya sa lips. Kadto maoy naghaling sa kainit sa among lawas. Kadali ra ming nakahukas sa among mga sapot.
“Di kaha madaot si baby?” Ni Dirk dihang nakapahimutang na siya sa akong bilahan.
“Di lagi,” mubo kong tubag.
Unya...mihari sa sulod sa lawak ang among mga hangos ug agumod. Seksuwal.
Pagkakaadlawon, nahigmata ko gikan sa lawom nga paghinanok. Gipukaw ko sa kakatol sa akong seksuwal organ. Kakatol nga lisod kaayong espelingon. Kakatol nga lami kaayong kawoton. -- Sumpayan pa