“Incubus”
Gula 79
`Hapit na ang alas kuwatro sa kaadlawon dihang milurang ang kakatol sa akong sexual organ. Nakatulog kog balik. Hasta sab si Dirk. Alas sayis na sa buntag sa dihang nakamata kami. Nagdali-dali mig pangandam alang sa pag-report sa tagsatagsa namo ka trabaho. Ako sa hospital; siya sa buhatan sa kapolisan.
Sa hospital, nag-inusara ko sa station namong mga doktor. Wala kaayoy mga pasyente nga nangabot. Ang mga kauban kong doktor nangisnak sa canteen. Nagpabilin ko sa among station aron adunay makaresponde kun may pasyente nga nagkinahanglan og dinaliang pag-alagad. Gilingaw ko ang akong kaugalingon pinaagi sa pagbasa sa
Mibagting ang telepono nga gipatong sa ibabaw sa desk ni Cynthia. Kay wala may laing tawo sulod sa lawak gawas lang kanako, gitubag ko ang tawag. Apan nakugang ko dihang nailhan ko na ang nanawag. Si Bradley!
“Suwerte kaayo nga ikaw gyud ang nakatubag,” nagkanayon si Bradley.
“Unsay imong tuyo?” Gipangutana ko siya.
“Ikaw. Gimingaw na ko nimo, Ingrid.”
“Mahimo bang di na ko nimo samokon, Bradley. Minyo na ko. Tahora ang gentlemen’s agreement ninyo ni Dirk.”
“Damn it. That gentlemen’s agreement is a null thing. Mi-commit lang ko sa maong kasabotan agi’g respetar kang Dirk. Pero sa kadugayan, akong nasuta sa akong kaugalingon nga dili diay ko makahimo pagtuman niini.”
Wala na nako pamatia ang ubang gisulti ni Bradley. Gibutang ko na ang telepono bisan wala pa siya mahuman sa iyang gisulti. Giputol ko ang among panagsulti sa telepono kay gilainan ko sa iyang sinultihan. Gihilasan ko!
Nakapanghupaw ko samtang akong gitutokan ang telepono nga bag-ohay lang nakong gibalik ngadto sa cradle niini. Maoy akong gihunahuna si Bradley. Morag gusto gyud siyang magubot ang pagpuyo namo ni Dirk. -- Sumpayan pa
- Latest
- Trending
