Gula 77
Human sa among lovemaking session nga nahitabo sulod sa music room, nanihapon mi. Namatikdan ko nga inanay nang mibalik ang kadasig ni Dirk.
“Unsa kahay bation nilang Papa Gustavo kun masayod sila sa akong kahimtang,” ni Dirk pa. “Gusto na ra ba silang makakita sa ilang apo.”
“Ayaw kabalaka,” nako pa. “Ako nay maantigong mopasabot nila. Basta, ayaw na hasola ang imong kaugalingon mahitungod nianang butanga. Dili kana angay ikaguol.”
Sa amo nang pagpanghigda, nakamatikod kong ingon sa dili pa gusto si Dirk nga mangatulog na kami. Mitanday siya nako. Nabatyagan ko nga may tigson nga butang nga misuntok sa akong kilid. Nangisog kini pag-ayo.
Wala ko makatutol dihang gitangtang ni Dirk ang sapot nga akong gisul-ob. Gipasagdan ko siya nga makapahungaw sa iyang gana sa tuyo nga mawagtang na ang self-pity nga maoy mihari sa iyang hunahuna human masayri nga sterile siya. Gusto kong ipamatuod kaniya nga ang iyang pagka sterile dili makakunhod sa dungog sa iyang pagka lalaki. Alang nako, macho gihapon si Dirk bisan dili makapaanak.
Nagdangarang ang among kalawasan sa kainit samtang gisaw-an namo pagtagay ang lawasnong kalipay. Samtang nag-in and out ang kargada ni Dirk sa akong lapsanan, nabatyagan ko ang naghingapin nga sensasyon. Ug dihang nagkadungan mig sangko sa parnaso, ingon sa gibayaw ko ngadto sa cloud nine. Tungod sa katagbawan nga among naangkon, nakatulog dayon mi human sa makutas namong kombate.
Nianang pagkakaadlawon, nahigmata ko gumikan sa sugo sa lawas. Mihinay kog bangon. Nag-amping ko nga dili matugaw ang paghinanok ni Dirk. Misulod ko sa CR aron pagtubag sa call of nature. Mibalik dayon ko sa kama human makadiskarga.
Hapit na unta ko makatulog pagbalik dihang nabatyagan ko nga mikatol ang akong genitals. Sa sinugdan, wala ko lang kini tagda. Apan misamot ang kakatol maong gikawot ko na kini. Gikuyawan ko kay wala gyod mawagtang ang kakatol. Misamot hinuon kini nga akong gikawot. Nanglimbawot ang akong mga balhibo sa kakatol. -- Sumpayan pa