Nakatulog ming malinawon niadtong gabhiona. Hangtod nga nabuntag na lang wala gayo'y nakatugaw sa among katulogon. Misalir gayod tingali ang kalaki sa tigulang tambalanan nga si Ingko Honorio. Milampos gayod siya sa paghingilin sa tagulilong nga mipuyo sa among balay kay wala na man gayod kami tugawa ug hasia sa maong linalang nga dili makita sukad gihimo sa albularyo ang ritwal sa paghingilin niini.
Naudtohan mi'g kamata si Dirk. Unsaon nga lapoy man kaayo ang among lawas nga among gibudlay pagtagay sa lawasnong kalipay sa nakalabay nga gabii. Si Dirk man god, agresibo kaayo! Hinuon, wala ko'y regrets sa among gibuhat. Nalipay ko sa panagsawo namo ni Dirk sa lamian kaayong potahe sa gugma.
Mibangon ko ug misulod sa banyo. Nanghilam-os ko ug giareglar ang akong kaugalingon. Paggawas nako sa banyo, wala na si Dirk sa among kama. Migawas ko sa lawak ug gipangita siya. Natukmaan ko siya sa luyo sa among balay nga nag-exercise og t'ai chi ch'uan. Gipasagdan ko lang siya. Mibalik ko'g sulod sa balay aron makahikay na sa among pamahaw.
Hapit na ang alas otso sa kabuntagon dihang nakapamahaw kami si Dirk. Hinuon, wala man kami magdali. Dili pa man mi mo-report sa among trabaho kay wala pa man mapupos ang usa ka semanang leave nga among gipangayo sa tagsatagsa namo ka trabahoan agi'g pagsaulog sa among kaminyoon. Busa, relaks gihapon mi rong aldawa.
Tibuok adlaw ming diha ra sa balay. Apan wala kami makasinatig kalaay sa mga takna nga nanglabay. Misamot man god kaagresibo si Dirk. Bisan magtan-aw ko'g TV, kalitan lang ko niya'g baswat og dad-on ngadto sa among kuwarto. Didto walay pagkapuol namong gisaw-an ang kalalim sa pagtagay sa lawasnong kalipay. Makamao si Dirk nga mo kontrol sa iyang ejaculation. Iya kong agad-agaron maong magkadungan gyod mi'g sangko sa kinapungkayan sa himaya. May mga higayon nga maka-multiple orgasm ko.
Miabot ang laing gabii. Human sa panihapon, gitabangan ko ni Dirk sa mga buluhaton sa banggera. Pagkahuman, nanulod mi sa among lawak. Wala lang tuyoa, misantop sa akong hunahuna ang tagulilong. (Sumpayan pa)