Motingog lang kun ubhon

Makadaghan na tintala si Masyong ni Noring sa panahon nga mamisita siya sa pinuy-anan sa maong dalagang guwang. Ambot unsay nasulod sa ulo ni Masyong, nga pagkadaghang  batan-ong dalaga ning ilang dapit sa may balangay sa Magsiko, didto man gayod mopitik ang iyang kasingkasing ni Noring, nga kun buot hunahunaon subra pa man kini nga nabiyaan sa tren, gumikan sa pagkatiguwang na niini nga dalaga?

"Syong, puti pa ang akong paa sa bani sa saging nga gardaba no?" Way pupanagana nga gibuksan ni Noring ang iyang sayal aron ipakita niya kang Masyong.

Imbis tubagon ni Masyong, ang pangutana niya kang Noring, igo lamang siya nga miyango. Bisan gamay nalang nga tingog nga iyang itubag sa maong dalagang guwang.

"Uhoo....uhoo....uhoooo!" mao hinuon ang mibanos ang sinaguysoy sa ubo ni Masyong, nga ingon sa gihutoy.

Dili ikalimod ... nga kun sud-ongon, manghod ra kaayo si Masyong, ngadto ni Noring. May kawhaan pa god og duha si Masyong, samtang si Noring, miabot na sa kagulangaon nga kalim-an og pito ang panuigon. Unsaon sa panahon sa iyang kabatan-on, hilabihan man kahimilian ni Noring, ug mga lalaki nga mangindahay sa iyang gugma? Miresulta nga nanggungis na hinuon siya sa hiktanan nga wa gayod maminyo.

"Resulta na kini, Noring, sa naghinubra nimong kahimilian og lalaki. Tan-awa ... unsay nahitabo kanimo, gilangaw ka na lang ug wa nay magpakabuang nimo og pagpangulitawo?" Kausa gisudyaan siya ni Nanay niya Eser, nga taudtaod na usab nga nabiyuda kang anhing Tatay niya Goyong.

Wa lang kadto panumbalinga ni Noring, ang masakit nga sudya sa iyang inahan. Alang kaniya dili gayod matagna ang umaabot niyang suwerte.

"Uhoo....uhooo....uhooo!" gihutoy na usab og inubo si Masyong, nga may nakapahagtos sa kahalawom niyang paghanduraw.

"Karon Masyong ... kay tubagon man lang ko nimo pinaagi sa sinaguysoy sa imong ubo ... unsay tan-aw mo niini? Wa ka ba malipong sa kaugdo nga nagbugdo ubos sa akong pusod?" giwalis na gayod ni Noring, ang pribado niyang tinagoan aron ipakita ni Masyong nga niadtong tungora ingon sa nalibat na ang duha ka mata.

"Kanaaaa .... Noring ... angg ... akong ... gihuwat ... ngaaaa imongg ... ipakitaaaa!" nagkayuring ang sinultihan ni Masyong, dungan sa paggakos og hugot kaayo sa mabigot nga lawas ni Noring.

"Maoooo .... kiniiiii .... anggg akonggg kinahammm!"

Mao na lamang ang nabatyagan ni Noring ang kaluhag ni Masyong, diin kalit lang nahilom ang kinatibuk-an nga dapit sa sibay nila ni Noring, nga usahay may mabati nga inudhak nga may nag-agulo. (Kataposan)