Mogwapa

TEBAN: (inom) Ahhh ... usa na ka lapad ang akong nahurot.

MAKRING: Teban ... nganong sigi ka man og inom anang bino.

TEBAN: Mao ra ni paagi Day nga ganahan ko nimo.

MAKRING: Unsa.

TEBAN: Kay karon nga nakainom na ko mora ka nag si Angel Locsin.

MAKRING: Tweeee.

* * *

Nalumay

TEBAN: (naglagot) Oy ang cake nga akong gibutangan og lumay para ni Makring gikaon sa among iring ... sepi ... sepi.

IRING: Meowww.

TEBAN: Makalagot kang iringa ka imo ning gikaon ang cake nga naay lumay para ra ba ni ni Makring.

IRING: Meow.

TEBAN: (kuyawan) Oyy ... gitutukan ko sa iring.

IRING: Meowww.

TEBAN: Oy, gikidhatan ko sa iring ... mi flying kiss nako ang iring ... nalumay ang iring ... bayot.

* * *

Barangay hall

MAKRING: (nagyawyaw) Naunsa man ni si Teban oy wala man makapaniper sa iyang karsonis ... ipasumbingay lang nako ... (trans) Hoy Teban.

TEBAN: Ngano Makring.

MAKRING: Abli ang bintana sa barangay hall ohhh.

TEBAN: Tan-awa no Day wala ba manambo ang barangay Kapitan.

MAKRING: Ngeeeeeeeek.