Paangki

GOLIAT: Pree ... humana man gyud og kasal ang atong mga anak ... sultihan ta lang ka Pre, nga kadtong baboy  nga giihaw nato sa kasal  katulo na to manganak.

TEBAN: Ok ra man na Pre, kay kadtong akong anak nga babaye nga naasawa sa imong anak ka tulo na man sad paangki.

GOLIAT: Ngeeeeee.

* * *

Gihayhay

WOMAN: (doktor) Naayo ka na gyud diay sa imong pagka buang Teban kay ang kauban nimong buang nga nalumos sa swimming pool ... imo mang giluwas.

TEBAN: Ayo na gyud ko Dok.

WOMAN: Pero ang tawo nga imong naluwas ... naghikog lang ni.

TEBAN: Wala to siya maghikog Dok, gihayhay lang nako, aron mauga.

WOMAN: Ngeeeeeeeek.

* * *

Seguroon

TEBAN: Ako Goliat ... malangit gyud ko.

GOLIAT: Nganong nakaingon ka man nga malangit ka Noy?

TEBAN: Kay og mokaon ko’g itlog ... seguroon man gyud nako ang langit langit.

GOLIAT: Ngeeeeeeek.