Sex worker

Gikamay ko ni Gabor aron paduolon sa ilang nahimutangan. Miduol dayon ko. Gipaila dayon ko ni Gabor ngadto sa Indian natinoal. Gipaila usab ni Gabor ang Indian national ngari kanako. Siya gyod diay ang mamahimo kong kustomer karong gabhiona. Si Hafid. Pilit kaayo siya'g tinan-awan nako. Maibogon siya'g tinutokan.

"Give him everything he wants, Sonia," giingnan ko ni Gabor.

"No problem," gitubag ko si Gabor.

Nakapahiyom ang Indian national nga naminaw sa among panagsulti. Pagkataudtaod, gisenyasan na ko niya nga moangkas sa iyang motorsiklo. Miangkas dayon ko. Dihang nakapahimutang na ko'g maayo, gipadagan ni Hafid ang motorsiklo.

Didto ko dad-a ni Hafid sa UCV Inn. Mi-check in dayon mi. Sulod sa mabugnaw'ng lawak, iya dayon kong gilayog. Gikaligoan ko niya'g halok. Mikiat sab ang iyang mga kamot pagpanghinol sa sensitibong mga parte sa akong lawas human niya tangtanga ang gisul-ob kong blouse ug mubo nga sayal.

Dihang inanay na untang mikuyamang sa akong lawas ang kalalim gumikan sa gihimo niyang foreplay, akong nabatyagan nga kalit nausab ang iyang estilo sa pagpakigpinarayganay. Mora man og brutal na siya'g approach. Imbes ganahan, gisakitan na man hinuon ko. Unya kalit ko niyang gibanduwa ngadto sa kama.

Nakugang ko sa iyang gibuhat. Maayo nakong pagplastar sa ibabaw sa kama kay wala man ko makabantay sa kakalit sa iyang pagbanduwa nako. Wala hinuon ko masakiti kay humok man kaayo ang kutson sa kama. Naghuwat ko nga motapuko siya nako. Pero wala. Gitangtang niya ang mga botones sa iyang karsones. Unya gisunod niya'g tangtang ang iyang bakos gikan sa langguwita sa karsones. Dayon miatubang siya nako. Hugot niyang gigunitan ang bakos ug nagkatawa.

"W-what's funny?" Gipangutana ko siya kay kalit lang kong gikulbaan.

"You" matud niya. "You're a funny woman."

Unya kalit ko niyang gibunalan sa gigunitan niyang bakos. (Sumpayan pa)