On-onan

GOLIAT: Noy Teban, unsaon man pagluto ning bulinaw? Usa man ni ka kaltek?

TEBAN: Kuan lang Goliat ... ang katunga on-oni ... ang katunga kilawa.

GOLIAT: O Noy.

TEBAN: Goliat, nganong gihiwa man na nimo ang lawas sa bulinaw?

GOLIAT: Ingon ka man Noy nga ang katunga on-onan ug ang katunga kilawon ... dili gihiwa nako ang lawas sa bolinaw.

TEBAN: Ayayayay.

* * *

Tikongkong

TEBAN: Ikaw Goliat ... duol ka man gyud sa simbahan ... nahibalo ka gyud og unsay tingog sa bagting sa kampana?

GOLIAT: Nahibalo man.

TEBAN: Unsa may tingog sa kampana kanang mag misa na?

GOLIAT: Kuan ... ting balang ... ting balangg ... ting balang.

TEBAN: Kanang dunay mamatay ...unsa may tingog sa kampana?

GOLIAT: Tikongkong ... tikongkong ... tikongkong.

TEBAN: Kanang bag-ong kasal ... unsay  tingog sa kampana?

GOLIAT: Tikangkang ... tikangkang ... tikangkang.

TEBAN: Ngeeeeeeek.

* * *

Binuangan

GOLIAT: (picking) Hello ... haa ... kinsa ... ahh mao ba?

TEBAN: Ayaw pagtuo  ana Day bugalbugalan ka lang ana.

GOLIAT: Ayaw gud og saba Noy ... naa tay gikasulti sa telepono.

TEBAN: Ayaw gyud og tuo ana Daty ... binuangan kalang ana ... dili gyud na mangasawa nimo.

GOLIAT: Saba lagi Noy ... (trans) Hello mao ba ... (katawa) hm ... tinuod ka.

TEBAN: Dili gyud na mangasawa Day.

GOLIAT: Ayaw lagi'g samok Noy ... o ... tubaga na oh ... imo nang tawag.

TEBAN: Kinsa man diay na?

GOLIAT: Imong asawa.

TEBAN: Ngeeeeeeeeek.