Ang bisita ni Papa Isko

Nagsingabot nasad ang piyesta sa among sityo sa Bas ug sa dili kapugngan  magtapok nasad sa amo ang mga bisita ni Papa Isko tungod kay maayo man kaayo ning tawo ang akong Papa Isko. Ug karon sayo kaayong nilakaw si Papa Isko , aron mangimbitar sa iyang mga kaliwat ngadto sa bukirang bahin sa siyudad sa Carcar ug pagka sunod adlaw  niana nakurat si Mama Tasya sa dihang may niabot nga taga hardware sa ila ug gipangita si Papa Isko.”

“Maayong buntag diha Nang. Taga hardware mi mao ni ang balay ni Isko mag-deliver  man gud me Nang sa iyang gi-order," pangayo og katahoran sa taga hardware sa tiguwang nga si Tasya nga asawa ni Isko.”

"Yuna Dong  unsa manang iyang gi-order Dong,” pangutana ni Tasya nga asawa ni Isko ngadto sa  nag-deliver.”

Ku-an Nang duha ka pligo nga plywood ug dose ka buok kahoy,” tubag sa nag-deliver nga taga hardware ngadto   ni  Tasya.”

Yuna Dong ha kay  ako sa adtoon ang akong bana   nga tua sa luyong bahin sa among balay nga nagligo sa iyang mga manok,”  panamilit ni Tasya sa nag-deliver.

Ug karon na-deliver na ang mga kahoy sa balay ni Isko. 

"Ko unsaon naman sad nang mga kahoy nimo Ko,” nagkangohal si Tasya."

 “Tigulang ka na gyud nakalimot ka nga hapit naman sad ang piyesta sa ato kini akong gipamalit nga mga kahoy ako ning himuon og lamesa para kan-anan sa atong mga bisita.”

Walay nahimo si Tasya iya nalang giuyonan si Isko.

Ug sa pag-abot na gyud sa piyesta sa ilang Papa Isko didto naghuot dayon ang iyang mga bisita sa ilang balay. Naay nanga-on sa atubangan ug sa luyong bahin sa ilang balay, klase-klase lang ang mga bisita ni Papa Isko naay taga Bohol ug ang kasagaran niyang bisita mao ang iyang kaliwatan nga taga bukid. Sa kadaghanan sa naghikay sa among piyesta , ang balay ra gyud ni Papa Isko ang dugokon kaayo og mga bisita ug kini tungod sa iyang kaayo ilabi na gyud sa iyang asawa nga si Tasya. Sa pagliwas na sa piyesta sa ilang Papa Isko   mura og naagian og gubat ang ilang balay ni Papa Isko ug tungod sa  kamingaw sila nalang duha ka magtiayon ang nahabilin sa ilang balay , ug nahibulong kaayo ang ilang mga silingan nga sa matag abot na sa kapistahan sa ilang lugar sa sityo Bas daghan gyud ang mahikay ni Papa Isko nga unta wala naman siya’y trabaho. Ang bugtong  niyang gisaligan mao ra gyud ang iyang pensyon ug tingali gitaga-an siya og grasya sa Ginoo nga sa matag piyesta sa ila kay tulomanon naman sad ni papa Isko nga maghikay sa matag piyesta sa ilang dapit ingon ana gyud kamatinagdanon si papa  Isko sa iyang mga bisita. (Kataposan)